Beysenbi, 23 Mamır 2019
Ädebiet 10229 137 pikir 10 Mamır, 2019 sağat 11:17

Mırzan Kenjebay: «Abay jolı» - Wlı şığarma emes»

Portalımızdıñ elektrondı poçtasına belgili aqın Mırzan Kenjebaydıñ «Abay jolı» - Wlı şığarma emes» attı maqalası kelip tüsti. Avtor Mwhtar Äuezov jazğan «Abay jolı» romanınıñ 2 tomınan bastap maqtauğa twrmaytın kitap ekenin aytadı. Biz materialdı tolıqtay oqırman nazarına wsınıp otırmız. Eger qarsı pikir aytam deuşiler bolsa, olarğa da portal betinen minber beretinimizdi eskertemiz. 

Abai.kz aqparattıq portalı

O dünielik bolğanı  bar,  közi tirisi bar belgili jazuşılardıñ da, ğalımdardıñ da M.Äuezovtıñ «Abay jolınıñ» 2-şi tomınan bastap öte naşar, maqtauğa twrmaytın dünie degenderin talay estidik. Al solarğa «Sizder auzı dualı adamsızdar, mına «Abay jolı» sonşalıqtı keremet körkem şığarma  emes, jäy keñestik ideologiyanıñ öz zamanındağı nasihatşısı ğana  dep jwrtqa nege aytpaysızdar, nege jazbaysızdar desem «oy, qoyşı, jamanattı bop nem bar?!» dep at-tonın ala qaşadı.

Endi bireuleri «e,e, onı aytsaq talap tastaytındar dayın otır  ğoy» deydi. Endi bir aqsaqal «Onsız da meni M.Äuezovpen bäsekeles» dep küñkildegender boldı» dedi. Qısqası, «Abay jolı» turalı da, Abay turalı da bir auız sın aytuğa qorqadı. Birin-biri añdıp otırğan alaközder eger öziniñ «qas dwşpanınıñ» auzınan «Abay jolın» sınağan bir söz şıqsa,  M.Äuezovtı sınağan qarabet atandıruına jaqsı sebep tabıla ketedi. Tipti, eldiñ auızbirşiligin bwzuşı atandıradı. Öytkeni, qazaqtar auızbirşilik degendi qatıp qalğan köne qağidağa jäne ataq-dañqı bar adamdardıñ pendeşiligine  qarsı  söz aytpau dep biledi.

Al, «Abay jolı» wlı şığarma degen pikir Keñes zamanında qazaqtıñ miına qorğasınday balqıtıp qwyıp tastalğan. Onıñ üstine qazekem bir adamdı ayağın jerge tigizbey kökke köterip danışpan jasap aluğa qwmar. Al sol jazuşılardıñ  qorqıp aytpay jürgenin jaqında dünieden ozğan  darındı jazuşı Rahımjan Otarbaev jwqalap bolsa da eñ jetesiz adamnıñ jetesine jeterliktey  etip ayta qoyıp edi keybireuler «Maugli» fil'mindegi banderlogalarşa şuladı. Iä, wlttıq sanası zaman talabına say damımay, Keñestik qwldıq nasihat qanına äbden siñip qalğan  wlt söytip qoldan Qwday jasap aladı da onı ğasırlar boyı töbesine köteredi. Sol Qwdayınıñ Qwday emes ekenin aytqan adamdı aş qandalaşa talaydı. Qalay deseñiz de Mäskeu «Abay jolı» öziniñ aram piğılına say kelmese, oğan Lenindik sıylıqtı bere salmas edi ğoy.

Orıstar qazaqtı  qorlau-zorlaudıñ neşe atasın jasap jatqanın öz közimen köre-twra  Abay ne sebepti sol turalı ne öleñinde, ne qara sözinde sıñar auız söz aytpağan deymin dep özimniñ de estimegen sözim joq. Al  sol Abaydıñ zamandastarınıñ öleñderi qanday?

Qalmaqtan qiın boldı da

Orıstıñ salğan oyranı

nemese

Elimdi bilep aldı ğoy.

Keşegi kelgen qañğıma

nemese

Orıspen töbe teñespey

Alğan betten taymalıq, - dep bastalatın Sarışolaq şayır Boranbaywlı, Äbubäkir Kerderi, Esengeldi, Aqpan jırau t.b. turalı qalıñ qazaq beyhabar. Iä, bizdiñ wlttıq namısımız, wlttıq sanamız  qanday deñgeyde ekeni  soñğı 30 jıldıñ işinde qasiettilerin qan qılıp, qasietsiz bireuin nän qılğanımızdan-aq körinip twr-au.

Abai.kz

137 pikir