Jeksenbi, 22 Qırküyek 2019
Qoğam 2056 1 pikir 15 Mamır, 2019 sağat 13:32

Aqtaudağı qoqıs tazalauşılar aylıq ala almay otır

Aqtaudıñ köşe tazalauşıları men kölik jürgizuşileri öz jwmıstarın isteuden bas tarttı. Sebebi olar tağı da aylıqtarın almağan. Qızmetkerlerdiñ aytuınşa, käsiporın aqşası soñğı altı ayda ünemi wstalıp, 150 million teñgege qarızğa batqan. Al, şeneunikter qarapayım azamattardı ayıptaytın körinedi.

Büginde Aqtau qalasında 400 adam säuir ayındağı jalaqıların talap etip otır. Qızmetkerlerdiñ aytuınşa, olar jartı jıldan beri jalaqıların tek dau-janjalmen alatın bolğan. Al, käsiporınnıñ aytuınşa, basşılıqta eşqanday kinä joq. Eñ bastısı, äkimdik käsiporınğa 150 million teñge qarız deydi.

Aynaş Iditbaeva:

- Biz ünemi jalaqını “Qaşan alamız?”,  “Nege keşigedi?” dep şulatıp jürip qolğa tigizemiz. Mine olar tağı da “erteñ, erteñ” deydi. Al, eden juuşılar tipti az aqşa aladı. Soğan qaramastan olar tazalıqqa qajetti zattardı da özderi satıp aluğa mäjbür.

Naurızbay Tenerbaev:

- Olar bizge: “Osı ayda şıdañızdar, kelesi ayda bäri jaqsı boladı” dep ünemi uäde beredi. Uäde aytılğan jerinde qaladı. Aylıq ädettegidey keşigedi. Al, bizdiñ bala-şağamız, kreditimiz, kvartiramızdıñ aqşası bar. Bärinde osı problema.

Qayrat Hayruşev:

- Üş ayğa juıqtadı. Ökinişke qaray, bizge byudjetten eşqanday aqşa bölinbeydi.

Osı mäsele boyınşa jwmıskerler Aqtau qalasınıñ äkimimen kezdesken. Äkimdiktiñ aytuınşa, qazınağa tüsken salıq mölşeri öte az. Sol sebepti byudjette aqşa joq. Alayda, şeneunikter özderine tiesili salıqtı jaqında töleytinderin aytıptı.

Jangeldi Äubäkirov, Aqtau qalası äkiminiñ orınbasarı:

- Adamdar salıq tölemeydi, az töleydi, sondıqtan qazir... Salıq töleuşilerdiñ bir aylıq qarızı bar. Bir ay. Sol aqşa qalay tüsedi, birden aylıqtarın beremiz.

Qısqası, käsiporın äkimşilikti, äkimşilik salıq töleuşilerdi ayıptaydı. Söytip, bir-birine siltep otırğanda, qarapayım jwmısşılar özine tiesili näpaqasınan qağılıp otır. Al, olardıñ bala-şağasın, alqımınan alıp otırğan nesie men päteraqısına bas qatırıp otırğan eşkim joq. Sondıqtan, olarğa qazir eşqanday sayasi nauqan men bos uädeniñ mañızı joq.

Nwrbike Bekswltanqızı

Abai.kz

1 pikir