Seysenbi, 22 Qazan 2019
Bizdiñ şeneunik 4985 10 pikir 6 Mausım, 2019 sağat 14:06

Noğaev mektep jetispey jatqan Atırauğa "han sarayın" salğızbaq

Atırau oblısınıñ äkimi 6,3 milliard teñgege jaña äkimşilik ğimaratın salu turalı şeşim qabıldadı. Atalğan zäulim saray oblıstıq Atırau mädeniet ortalığınıñ ornında bolmaq.

Bwl jobanıñ qwnı 6,3 milliard teñgeni qwraydı. Bastapqıda Atırau äkimdigi memlekettik qazınadan 7,5 milliard teñge swrağan. Alayda, 1 milliard teñgeniñ artıq bolatının artınan tüsingen sekildi.

Jospar boyınşa jaña äkimdik altı qabattan twradı. YAğni, 54 metrden 15 metrge deyin (Bwğan deyingi äkimdik ğimaratı 117x12 bolğan). Al, ğimarattı saluğa «Kazstroypodryad» Astana qwrılıs kompaniyası merdiger retinde tañdalıptı.

Municipalitet qızmetkerleriniñ aytuınşa, jergilikti atqaruşı organdarğa öz ğimarattarı tarlıq etken. Söytip, olar sırtqı wyımdardıñ keñsesin jaldauğa mäjbür bolıptı. Sol sebepti de olar äkimşilik ğimaratın keñeytu kerek degen şeşim qabıldağan.

Sonımen qatar, şeneunikterdiñ halıq igiligine jwmıs isteui üşin äkimdik aynalasına subwrqaqtar ornatılatın körinedi. Jobalıq qwjatqa säykes, äkimdik aulasında jalpı sanı 150-ge juıq ağaş, 115 orınğa jarıq qoyu, sonday-aq, trotuar boyı men demalıs orındarına 85 orındıq, 95 jäşik ornatılmaq.

Al, äkimdik aumağındağı qauipsizdikti qamtamasız etu üşin beynebaqılau jüyeleri jertölede ornalasatın boladı. Ol üşin äkimdik tağı 1 milliard teñge swrap otır. Jalpı, äkimdik qwrılısı eki jılğa josparlanğan. Al, jaña äkimdik salınğannan keyin äkimşilik apparatı zamanaui komp'terlik jabdıqtarmen, qımbat ağaştan jasalğan jihazdarmen jäne şağın ashanalarmen jabdıqtalmaq.

Ayta keteyik, qazir Atırau oblısında 6 mektep apattı jağdayda. Al, «Nwrsaya», «Jwldız», «Almagül» şağın audandarında mektep joq. Sonıñ kesirinen oquşılar üş auısımda oquğa mäjbür. Qazir Atırau qalasında üş auısımdağı 13 mektep bar. Ol mektepter 9 566 oquşığa arnalğan. Alayda ol oqu ğimarattarında 24 356 oquşı oqitın körinedi. Al, üş auısımdı mektepterdi joyu üşin tağı Atırau oblısına tağı 20 mektep salu qajet.

Tüyin

Atırau oblısı 20 mektepke mwqtaj bolıp otırğan kezde Nwrlan Noğaev özi otıratın äkimdikke arnap saray salğızbaq bolıp jatqanı qalay? Bwl memlekettik byudjetti maqsatsız jwmsau emes pe? Joq älde eski ğimarattıñ astınan su şıqtı ma? Biz "6,3 mlrd. teñgege qanşa mektep saluğa bolar edi?" degen swraqtı tikeley Noğaev mırzağa joldağımız keledi.

Äkim-qaralar qımbat sarayda alşañ basıp jürgende balalarımız ne sebepti üş auısımda oqıp jürui kerek? Osığan jauap berseñiz Nwrlan mırza!

Nwrbike Bekswltanqızı

Abai.kz

10 pikir