Jwma, 20 Qırküyek 2019
1593 2 pikir 7 Mausım, 2019 sağat 14:05

Q. Isqaqov «Ataulı äleumettik kömek twraqtı türde beriledi»

Oblıs köleminde 1 säuirden bastap büginge deyin ataulı äleumettik kömekke 40285 otbası jüginse, 19721 otbasınan ötinişter qabıldanıp, 20564 janwyağa keñester berilgen,- dep habarlaydı Abay-aqparat.

Al Qızılorda oblısı boyınşa säuir ayında 16193 otbasındağı 79004 adamğa 2,1 mlrd teñgege ataulı äleumettik kömek berilipti.

– Qazirgi uaqıtta äleumettik jelilerde «QR Prezidenti saylauınan keyin ataulı äleumettik kömek töleu toqtatıladı» degen alıp qaşpa äñgimeler taratıluda. Bwl - jalğan aqparat. Mamır ayında 6755 otbasınıñ ötinişi qabıldandı. 4332 janwyağa ataulı äleumettik kömek tağayındalıp, olarğa 189,4 mln teñge tölendi, - dedi oblıs äkimniñ orınbasarı Quanışbek Isqaqov.

Sonday-aq, ol mausım ayı üşin tölemder jürgizilip jatqandığın jetkizdi.

– Biılğı jılğa ataulı äleumettik kömek körsetuge byudjetten 9,6 mlrd teñge qarajat bölindi. Qosımşa respublikalıq byudjetten 5,2 mlrd teñgege swranıs berildi,- dep atap ötti oblıs äkiminiñ orınbasarı.

Sonımen qatar osı jıldıñ 1 şildesinen bastap 5529 mügedek bala tärbielep otırğan järdemaqı aluşılardıñ järdemaqı mölşeri 31183 teñgeden 40538 teñgege östi.

Esteriñizge salayıq, aqpan ayında "Nwr Otan" partiyasınıñ XXVIII s'ezinde Elbası mügedek bala tärbielep otırğan ata-analarğa qamqorşılar men otbasılarğa järdemaqını 30 payızğa köterudi jäne 2019 jıldıñ 5 säuirinde «Memlekettik ataulı äleumettik kömek turalı» Qazaqstan Respublikasınıñ Zañına özgerister engizilip, qol qoyılğan bolatın.

Abai.kz

2 pikir