Jeksenbi, 16 Mausım 2019
Dep jatır 2569 61 pikir 12 Mausım, 2019 sağat 11:57

Ämirjan konstruktivti oppoziciya jolın tañdadı

Mine, ala qwyınday bolıp Prezident saylauı da ötti. «Ümit otı twtandı» dep quanğandar da bar, «Bwl saylaudan keyin bizge ne «keler eken?» dep köñiline köp kümän tuındağandarı da az emes. Nesi bar, saylau alaman bäyge ispetti. Bükil eldiñ tağdırın şeşetin alaman tartısta türli pikirlerdiñ boluınıñ özindik qisını bar.

Tek, bizdi bir närse ğana qınjıltadı. Biz sayıp kelgende demokratiya sekildi ärkimnen de asa jauapkerşilikti, sındarlıq pen parasattılıqtı talap etetin ülken özgeriske dayın emes ekenbiz. Sol bayağı bireudiñ pikirine töze almau, basqanıñ twjırımın özine jau sanau, «tek qana meniki dwrıs» degen eşteñeniñ parqına barmas menmendik tärizdi jaman ädetter boy köterip, ädiletti de, täuelsiz el boluımızdıñ auılı alıs ekenin ayqın tanıttı desek, qatelese qoymaspız. Bwğan faktini alıstan izdep qajeti joq. Saylau ayaqtalısımen Prezidenttikke köp ümitkerdiñ biri Ämirjan Qosanovqa qarsı bağıttalğan, oğan aşıqtan-aşıq jala jabu nauqanı qarqın aldı. Meni äsirese anau ğalamtordağı onı «halıq jauına» aynaldıru nauqanı qattı şoşıttı. Ämirjandı oppoziciyadağılardan bastap, sayasat degenniñ iisi mwrnını da barmaytın şala sauattılar da qaralap jatır. Olardıñ oyınşa «Ämirjan Aqqordağa berilip, sonıñ qoljaulığına aynalıp, oppoziciyağa satqındıq jasaptı-mıs» degen bet qaratpas jalalar.

Au, sizder Ämirjannnıñ satqındığın qaydan körip otırsızdar? Ol Qazaqstannıñ kez-kelgen azamattı sekildi bwl saylauğa qatısuğa tolıq qaqı bar emes pe?. Al «Aqqorda jağına şığıp ketti» degen ne sandıraq? Ol bilik basındağılarmen ayqara qwşaqtasıp, sertesip, qol alaısıp, bet sipağanda qasında bolıp pa ediñder? Eger ol lauazımğa qızıqsa attay 20 jıl boyı nege oppoziciyanıñ qatarında bolıp, sol bilikti sınap keldi? Sol kezde-aq bir jılı da jwmsaq orındı ielense, kim ne der edi? Ondaylar az ba? Men biletin Ämirjan ımırağa kelse de, satqındıqqa barmaytın, halqınıñ müddesi üşin bilikpen kelisimge kelse de, onı tek qaraqan basınıñ qamı üşin istemeytin adal azamat dep bilemin. Jäne de bwl pikirmen eş uaqıtta qaytpaymın da.

Sosın bizdiñ oppoziciya degenimiz de qızıq. Olar üşin mindetti türde barlığın da tügin qaldırmay qiratıp, bärin qaytadan qwru kerek. YAğni bayağı bol'şevikterdiñ ädis-täsiline wqsap ketedi. Al örkenietti elderde bärin de birte-birte, yağni evolyuciyalıq jolmen isteu qajettigin äldeqaşa sezgen. Ol üşin oppoziciyanıñ işinde eşbir ımırığa kelmeytin radikal'dı toptarımen qatar, halıq müddesi üşin, onı ärtürli reformalıq jolmen baqıtqa jetkizu üşin bilikpen ımırağa kelip, qanday da irgeli şaralardı birge atqarudı közdeytin konstruktivti oppoziciya degen boladı. Men onıñ talay jılğı äriptesi retinde ğana emes, onıñ ömir jolıq qadağalap otırğan qarapayım oqırman retinde de Qosanovtı osınday köregen toptıñ iri ökili dep esepteymin.

Jaybergen Bolatov

Abai.kz

61 pikir