جۇما, 20 قىركۇيەك 2019
دەپ جاتىر 3130 62 پىكىر 12 ماۋسىم, 2019 ساعات 11:57

ءامىرجان كونسترۋكتيۆتى وپپوزيتسيا جولىن تاڭدادى

مىنە، الا قۇيىنداي بولىپ پرەزيدەنت سايلاۋى دا ءوتتى. «ءۇمىت وتى تۇتاندى» دەپ قۋانعاندار دا بار، «بۇل سايلاۋدان كەيىن بىزگە نە «كەلەر ەكەن؟» دەپ كوڭىلىنە كوپ كۇمان تۋىنداعاندارى دا از ەمەس. نەسى بار، سايلاۋ الامان بايگە ىسپەتتى. بۇكىل ەلدىڭ تاعدىرىن شەشەتىن الامان تارتىستا ءتۇرلى پىكىرلەردىڭ بولۋىنىڭ وزىندىك قيسىنى بار.

تەك، ءبىزدى ءبىر نارسە عانا قىنجىلتادى. ءبىز سايىپ كەلگەندە دەموكراتيا سەكىلدى اركىمنەن دە اسا جاۋاپكەرشىلىكتى، سىندارلىق پەن پاراساتتىلىقتى تالاپ ەتەتىن ۇلكەن وزگەرىسكە دايىن ەمەس ەكەنبىز. سول باياعى بىرەۋدىڭ پىكىرىنە توزە الماۋ، باسقانىڭ تۇجىرىمىن وزىنە جاۋ ساناۋ، «تەك قانا مەنىكى دۇرىس» دەگەن ەشتەڭەنىڭ پارقىنا بارماس مەنمەندىك ءتارىزدى جامان ادەتتەر بوي كوتەرىپ، ادىلەتتى دە، تاۋەلسىز ەل بولۋىمىزدىڭ اۋىلى الىس ەكەنىن ايقىن تانىتتى دەسەك، قاتەلەسە قويماسپىز. بۇعان فاكتىنى الىستان ىزدەپ قاجەتى جوق. سايلاۋ اياقتالىسىمەن پرەزيدەنتتىككە كوپ ۇمىتكەردىڭ ءبىرى ءامىرجان قوسانوۆقا قارسى باعىتتالعان، وعان اشىقتان-اشىق جالا جابۋ ناۋقانى قارقىن الدى. مەنى اسىرەسە اناۋ عالامتورداعى ونى «حالىق جاۋىنا» اينالدىرۋ ناۋقانى قاتتى شوشىتتى. ءامىرجاندى وپپوزيتسياداعىلاردان باستاپ، ساياسات دەگەننىڭ ءيىسى مۇرنىنى دا بارمايتىن شالا ساۋاتتىلار دا قارالاپ جاتىر. ولاردىڭ ويىنشا «ءامىرجان اققورداعا بەرىلىپ، سونىڭ قولجاۋلىعىنا اينالىپ، وپپوزيتسياعا ساتقىندىق جاساپتى-مىس» دەگەن بەت قاراتپاس جالالار.

اۋ، سىزدەر ءامىرجانننىڭ ساتقىندىعىن قايدان كورىپ وتىرسىزدار؟ ول قازاقستاننىڭ كەز-كەلگەن ازاماتتى سەكىلدى بۇل سايلاۋعا قاتىسۋعا تولىق قاقى بار ەمەس پە؟. ال «اققوردا جاعىنا شىعىپ كەتتى» دەگەن نە ساندىراق؟ ول بيلىك باسىنداعىلارمەن ايقارا قۇشاقتاسىپ، سەرتەسىپ، قول الاىسىپ، بەت سيپاعاندا قاسىندا بولىپ پا ەدىڭدەر؟ ەگەر ول لاۋازىمعا قىزىقسا اتتاي 20 جىل بويى نەگە وپپوزيتسيانىڭ قاتارىندا بولىپ، سول بيلىكتى سىناپ كەلدى؟ سول كەزدە-اق ءبىر جىلى دا جۇمساق ورىندى يەلەنسە، كىم نە دەر ەدى؟ وندايلار از با؟ مەن بىلەتىن ءامىرجان ىمىراعا كەلسە دە، ساتقىندىققا بارمايتىن، حالقىنىڭ مۇددەسى ءۇشىن بيلىكپەن كەلىسىمگە كەلسە دە، ونى تەك قاراقان باسىنىڭ قامى ءۇشىن ىستەمەيتىن ادال ازامات دەپ بىلەمىن. جانە دە بۇل پىكىرمەن ەش ۋاقىتتا قايتپايمىن دا.

سوسىن ءبىزدىڭ وپپوزيتسيا دەگەنىمىز دە قىزىق. ولار ءۇشىن مىندەتتى تۇردە بارلىعىن دا تۇگىن قالدىرماي قيراتىپ، ءبارىن قايتادان قۇرۋ كەرەك. ياعني باياعى بولشەۆيكتەردىڭ ءادىس-تاسىلىنە ۇقساپ كەتەدى. ال وركەنيەتتى ەلدەردە ءبارىن دە بىرتە-بىرتە، ياعني ەۆوليۋتسيالىق جولمەن ىستەۋ قاجەتتىگىن الدەقاشا سەزگەن. ول ءۇشىن وپپوزيتسيانىڭ ىشىندە ەشبىر ىمىرىعا كەلمەيتىن راديكالدى توپتارىمەن قاتار، حالىق مۇددەسى ءۇشىن، ونى ءارتۇرلى رەفورمالىق جولمەن باقىتقا جەتكىزۋ ءۇشىن بيلىكپەن ىمىراعا كەلىپ، قانداي دا ىرگەلى شارالاردى بىرگە اتقارۋدى كوزدەيتىن كونسترۋكتيۆتى وپپوزيتسيا دەگەن بولادى. مەن ونىڭ تالاي جىلعى ارىپتەسى رەتىندە عانا ەمەس، ونىڭ ءومىر جولىق قاداعالاپ وتىرعان قاراپايىم وقىرمان رەتىندە دە قوسانوۆتى وسىنداي كورەگەن توپتىڭ ءىرى وكىلى دەپ ەسەپتەيمىن.

جايبەرگەن بولاتوۆ

Abai.kz

62 پىكىر