Seysenbi, 22 Qazan 2019
1741 2 pikir 14 Mausım, 2019 sağat 11:23

Qazaqstan Respublikası Prezidentine ündeu

Qwrmetti Qasım-Jomart Kemelwlı!

Eki million käsipodaq müşeleriniñ atınan Sizdi Qazaqstan Respublikası Prezidentiniñ kezekten tıs saylauındağı ayqın jeñisiñizben qwttıqtaymız!

Elimizdiñ aumağındağı ekonomikalıq jäne äleumettik salalardıñ barlığınıñ müddesin bildiretin Qazaqstan Respublikasınıñ Käsipodaqtar federaciyası Qazaqstannıñ qoğam äleuetin jaqsartuğa bağıttalğan üylesimdi qoğamdıq-sayasi ürdisti jäne äleumettik damuğa bağıttalğan qadamın äri qaray jalğastıra beretindigine senimdi.

Elbasınıñ strategiyalıq bağıtınıñ sabaqtastığın qamtamasız ete otırıp, bizdiñ memleketimiz düniejüzilik qauımdastıqta öziniñ layıqtı ornın alatınına käsipodaq müşeleri kämil senim bildiredi.

Biz büginde el damuınıñ jaña kezeñine ayaq basqan är qazaqstandıq otbasınıñ, bükil qoğamnıñ äl-quatı äleumettik äriptestik taraptarınıñ el ömiriniñ barlıq salalarındağı ortaq iske teñ därejede atsalısuına baylanıstı ekendigine senimdimiz. Äleumettik äriptestik institutı qazirgi tañda Qazaqstannıñ qoğamdıq-sayasi ömirinde twraqtılıqtıñ kepili bolıp tabıladı.

Qasım-Jomart Kemelwlı, QR Käsipodaqtar federaciyası Sizdiñ  Memleket basşısı retinde elimizdiñ käsipodaqtarına äleumettik-ekonomikalıq mäseleler boyınşa, adamnıñ jäne azamattıñ  konstituciyalıq qwqıqtarın qorğau jäne täuelsizdigin qamtamasız etu, sonday-aq halıqtıñ ömir süru deñgeyin arttıru mäseleleri boyınşa jan-jaqtı qoldau körsetetiniñizge senimdi.

QR Käsipodaqtar federaciyası Ükimet jäne memlekettik organdar Qazaqstannıñ äleumettik-ekonomikalıq sayasatın jetildiruge bağıttalğan keşendi is-şaralardı jüzege asıruı tiis dep esepteydi.

Biz Halıqaralıq eñbek wyımınıñ birqatar konvenciyasın, atap aytqanda, «Äleumettik qamsızdandırudıñ tömengi normaları turalı» 102 konvenciyasın, «Damuşı elderdi eskere otırıp, tömengi eñbekaqını bekitu turalı» 131 konvenciyasın, «Wjımdıq kelissözderge järdemdesu turalı» 154 konvenciyasın, «Tolıq emes jwmıs uaqıtı jağdayındağı eñbek turalı» 175 konvenciyasın, «Auıl şaruaşılığındağı eñbek gigienası men qauipsizdigi turalı» 184 konvenciyasın birinşi kezekte bekitu mañızdı dep sanaymız.

Halıqaralıq eñbek wyımınıñ joğarıda körsetilgen konvenciyaların bekitu Qazaqstan Respublikasınıñ eñbek jäne äleumettik zañnamasın jetildiruge, barlıq sanattağı jwmısşılardıñ eñbek qwqıqtarı men olarğa beriletin kepilderdiñ artuına järdemdesedi.

Sonday-aq, byudjet salası qızmetkerleriniñ jalaqısın esepteu körsetkişin qayta qarastıru qajet. Bwl mäseleniñ oñ şeşilui  azamattıq qızmetşilerdiñ layıqtı eñbekaqı aluın qamtamasız etetindigi sözsiz.

Qazaqstanda öndiristik jaraqattanudıñ joğarı deñgeyi bayqaladı. Osı orayda «Qauipsiz eñbek» memlekettik (ükimettik) bağdarlamasın, sonday-aq öndiristik jaraqattanudı azaytu, eñbekti qorğau jüyesin engizu, käsibi qauipterdi saralau boyınşa keşendi jospar äzirleu qajet.

Eñbekti qorğaudı basqaru jüyesin jetildiru, jazatayım jağdaylardıñ aldın-aludı küşeytu, jwmıskerlerdiñ talap qoyu räsimin jäne tatulastıru räsimderin ötkizudi jeñildetu, wjımdıq şarttardı mindetti türde jasau mäseleleri boyınşa Eñbek zañnamasın jetildiru qajettiligi tuındap otır.

Biz osı mañızdı mindetterdi jüzege asıruda käsipodaqtardıñ, ükimettiñ jäne jwmıs beruşilerdiñ birlesken küş-jigeri Qazaqstanda Eñbek adamına äleumettik ädildik pen layıqtı eñbek şarttarın qamtamasız etetindigine senimdimiz.

Qazaqstan Respublikasınıñ Käsipodaqtar federaciyası
Bas keñesiniñ 2019 jılğı 12 mausımdağı otırısında qabıldandı

Abai.kz

2 pikir