بەيسەنبى, 14 قاراشا 2019
1764 2 پىكىر 14 ماۋسىم, 2019 ساعات 11:23

قازاقستان رەسپۋبليكاسى پرەزيدەنتىنە ۇندەۋ

قۇرمەتتى قاسىم-جومارت كەمەلۇلى!

ەكى ميلليون كاسىپوداق مۇشەلەرىنىڭ اتىنان ءسىزدى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنداعى ايقىن جەڭىسىڭىزبەن قۇتتىقتايمىز!

ەلىمىزدىڭ اۋماعىنداعى ەكونوميكالىق جانە الەۋمەتتىك سالالاردىڭ بارلىعىنىڭ مۇددەسىن بىلدىرەتىن قازاقستان رەسپۋبليكاسىنىڭ كاسىپوداقتار فەدەراتسياسى قازاقستاننىڭ قوعام الەۋەتىن جاقسارتۋعا باعىتتالعان ۇيلەسىمدى قوعامدىق-ساياسي ءۇردىستى جانە الەۋمەتتىك دامۋعا باعىتتالعان قادامىن ءارى قاراي جالعاستىرا بەرەتىندىگىنە سەنىمدى.

ەلباسىنىڭ ستراتەگيالىق باعىتىنىڭ ساباقتاستىعىن قامتاماسىز ەتە وتىرىپ، ءبىزدىڭ مەملەكەتىمىز دۇنيەجۇزىلىك قاۋىمداستىقتا ءوزىنىڭ لايىقتى ورنىن الاتىنىنا كاسىپوداق مۇشەلەرى كامىل سەنىم بىلدىرەدى.

ءبىز بۇگىندە ەل دامۋىنىڭ جاڭا كەزەڭىنە اياق باسقان ءار قازاقستاندىق وتباسىنىڭ، بۇكىل قوعامنىڭ ءال-قۋاتى الەۋمەتتىك ارىپتەستىك تاراپتارىنىڭ ەل ءومىرىنىڭ بارلىق سالالارىنداعى ورتاق ىسكە تەڭ دارەجەدە اتسالىسۋىنا بايلانىستى ەكەندىگىنە سەنىمدىمىز. الەۋمەتتىك ارىپتەستىك ينستيتۋتى قازىرگى تاڭدا قازاقستاننىڭ قوعامدىق-ساياسي ومىرىندە تۇراقتىلىقتىڭ كەپىلى بولىپ تابىلادى.

قاسىم-جومارت كەمەلۇلى، قر كاسىپوداقتار فەدەراتسياسى ءسىزدىڭ  مەملەكەت باسشىسى رەتىندە ەلىمىزدىڭ كاسىپوداقتارىنا الەۋمەتتىك-ەكونوميكالىق ماسەلەلەر بويىنشا، ادامنىڭ جانە ازاماتتىڭ  كونستيتۋتسيالىق قۇقىقتارىن قورعاۋ جانە تاۋەلسىزدىگىن قامتاماسىز ەتۋ، سونداي-اق حالىقتىڭ ءومىر ءسۇرۋ دەڭگەيىن ارتتىرۋ ماسەلەلەرى بويىنشا جان-جاقتى قولداۋ كورسەتەتىنىڭىزگە سەنىمدى.

قر كاسىپوداقتار فەدەراتسياسى ۇكىمەت جانە مەملەكەتتىك ورگاندار قازاقستاننىڭ الەۋمەتتىك-ەكونوميكالىق ساياساتىن جەتىلدىرۋگە باعىتتالعان كەشەندى ءىس-شارالاردى جۇزەگە اسىرۋى ءتيىس دەپ ەسەپتەيدى.

ءبىز حالىقارالىق ەڭبەك ۇيىمىنىڭ بىرقاتار كونۆەنتسياسىن، اتاپ ايتقاندا، «الەۋمەتتىك قامسىزداندىرۋدىڭ تومەنگى نورمالارى تۋرالى» 102 كونۆەنتسياسىن، «دامۋشى ەلدەردى ەسكەرە وتىرىپ، تومەنگى ەڭبەكاقىنى بەكىتۋ تۋرالى» 131 كونۆەنتسياسىن، «ۇجىمدىق كەلىسسوزدەرگە جاردەمدەسۋ تۋرالى» 154 كونۆەنتسياسىن، «تولىق ەمەس جۇمىس ۋاقىتى جاعدايىنداعى ەڭبەك تۋرالى» 175 كونۆەنتسياسىن، «اۋىل شارۋاشىلىعىنداعى ەڭبەك گيگيەناسى مەن قاۋىپسىزدىگى تۋرالى» 184 كونۆەنتسياسىن ءبىرىنشى كەزەكتە بەكىتۋ ماڭىزدى دەپ سانايمىز.

حالىقارالىق ەڭبەك ۇيىمىنىڭ جوعارىدا كورسەتىلگەن كونۆەنتسيالارىن بەكىتۋ قازاقستان رەسپۋبليكاسىنىڭ ەڭبەك جانە الەۋمەتتىك زاڭناماسىن جەتىلدىرۋگە، بارلىق ساناتتاعى جۇمىسشىلاردىڭ ەڭبەك قۇقىقتارى مەن ولارعا بەرىلەتىن كەپىلدەردىڭ ارتۋىنا جاردەمدەسەدى.

سونداي-اق، بيۋدجەت سالاسى قىزمەتكەرلەرىنىڭ جالاقىسىن ەسەپتەۋ كورسەتكىشىن قايتا قاراستىرۋ قاجەت. بۇل ماسەلەنىڭ وڭ شەشىلۋى  ازاماتتىق قىزمەتشىلەردىڭ لايىقتى ەڭبەكاقى الۋىن قامتاماسىز ەتەتىندىگى ءسوزسىز.

قازاقستاندا وندىرىستىك جاراقاتتانۋدىڭ جوعارى دەڭگەيى بايقالادى. وسى ورايدا «قاۋىپسىز ەڭبەك» مەملەكەتتىك (ۇكىمەتتىك) باعدارلاماسىن، سونداي-اق وندىرىستىك جاراقاتتانۋدى ازايتۋ، ەڭبەكتى قورعاۋ جۇيەسىن ەنگىزۋ، كاسىبي قاۋىپتەردى سارالاۋ بويىنشا كەشەندى جوسپار ازىرلەۋ قاجەت.

ەڭبەكتى قورعاۋدى باسقارۋ جۇيەسىن جەتىلدىرۋ، جازاتايىم جاعدايلاردىڭ الدىن-الۋدى كۇشەيتۋ، جۇمىسكەرلەردىڭ تالاپ قويۋ ءراسىمىن جانە تاتۋلاستىرۋ راسىمدەرىن وتكىزۋدى جەڭىلدەتۋ، ۇجىمدىق شارتتاردى مىندەتتى تۇردە جاساۋ ماسەلەلەرى بويىنشا ەڭبەك زاڭناماسىن جەتىلدىرۋ قاجەتتىلىگى تۋىنداپ وتىر.

ءبىز وسى ماڭىزدى مىندەتتەردى جۇزەگە اسىرۋدا كاسىپوداقتاردىڭ، ۇكىمەتتىڭ جانە جۇمىس بەرۋشىلەردىڭ بىرلەسكەن كۇش-جىگەرى قازاقستاندا ەڭبەك ادامىنا الەۋمەتتىك ادىلدىك پەن لايىقتى ەڭبەك شارتتارىن قامتاماسىز ەتەتىندىگىنە سەنىمدىمىز.

قازاقستان رەسپۋبليكاسىنىڭ كاسىپوداقتار فەدەراتسياسى
باس كەڭەسىنىڭ 2019 جىلعى 12 ماۋسىمداعى وتىرىسىندا قابىلداندى

Abai.kz

2 پىكىر