Beysenbi, 18 Şilde 2019
380 0 pikir 17 Mausım, 2019 sağat 11:12

Aq halattılarğa baspana sertifikatı tabıstaldı

Qızılorda oblısında densaulıq saqtau wyımdarın zamanaui medicinalıq tehnikamen jabdıqtau 2018-2019 jıldardıñ özinde 34,9% ösip, qamtu 79,26% qwrağan, - dep habarlaydı Abay-aqparat.

Ötken jwmada oblıstıq N.Bekejanov atındağı oblıstıq muzıkalıq-drama teatrında medicina qızmetkerleri künine arnalğan merekelik is-şara ötti. Şarağa qatısqan oblıs äkiminiñ orınbasarı Ruslan Rüstemov:

– Densaulıq saqtau salasınıñ qarjısı bir jıldıñ özinde oblıs äkiminiñ qoldauımen 7,2%, sonıñ işinde materialdıq-tehnikalıq bazasın arttıruğa bölingen qarjı 20,2% östi. Aq halattı abzal jandardı käsibi merekesimen şın jürekten qwttıqtaymın, - dep atap ötti.

Sonday-aq, ol saltanattı jiında öñirdiñ üzdik 5 därigerine twrğın üy aluğa sertifikat tabıstadı. Twrğın üydiñ bastapqı jarnası 1 mln jäne 500 mıñ teñge somasındağı sertifikattar berildi. Sonımen qatar üzdik därigerlerge qwrmet gramotalarımen jäne alğıs hattar, «Densaulıq saqtau salasın damıtuğa qosqan ülesi üşin» jäne «Densaulıq saqtau isiniñ üzdigi» tösbelgileri tabıs etildi.

Esteriñizge sala keteyik, soñğı 2 jılda 25 medicinalıq nısan paydalanuğa berilgen. Bügingi tañda 17 nısannıñ qwrılısı jürgizilude. Sonımen qatar Aral, Qazalı audandıq auruhanaları jañadan salınsa, Şieli, Jalağaş audandıq ortalıq auruhanası qwrılısı jürude. Al 2016 jılı Bayqoñır qalasında oblıstıq medicina ortalığınıñ filialı aşılğan bolatın. Aral, Qazalı, Qarmaqşı audandarınıñ jäne Bayqoñır qalasınıñ twrğındarına mamandandırılğan medicinalıq kömektiñ qoljetimdiligin arttıru maqsatında teri koronarlıq aralasu ortalığı iske qosıluğa dayın twr.

Aymaq twrğındarın tegin däri-därmekpen qamtamasız etuge qarjılandıru 2 esege artsa, 8 sirek nozologiya boyınşa 80 pacientti däri-därmekpen qamtamasız etuge qarajat qarastırılğan. Qabıldanğan şaralardıñ nätijesinde qızılordalıqtardıñ ömir süru wzaqtığı 1,6 jılğa artıp, ölim-jitim körsetkişi 5,8 payızğa tömendedi. Tağı bir ayta ketetin jayt, sırboyılıq därigerler Reseyde, Koreyada jäne Europa elderinde biliktilikti arttıruda.

Abai.kz

0 pikir