Jwma, 19 Şilde 2019
590 0 pikir 15 Mausım, 2019 sağat 12:19

Qızılordalıq 20 däriger biliktiligin arttıru üşin Oñtüstik Koreyağa attanadı

Elimizde byudjettik sala qızmetkerleriniñ biliktiligin arttıru üşin barlıq jağday jasalğan. Mäselen, endi Sır öñiriniñ aq halattı abzal jandarı jergilikti basşılıqtıñ qoldauımen älemniñ ozıq klinikalarında biliktiligin arttıramaq.

Naqtıraq aytsaq, Qızılordalıq neonatolog jäne onkologtar Oñtüstik Koreyada biliktilikterin arttırmaq. Bwl sapardıñ maqsatı -  otandıq medicinağa üzdik tehnologiya men innovaciyalıq emdeu täsilderin engizu.

Ayta keteyik, soñğı eki jıl işinde Qızılorda öñirinde 24 maman şeteldik äriptesterimen täjiribe almasqan. Sonıñ nätijesinde, kömey isigi diagnozı qoyılğan 68 jastağı Tınımbay Mädiev himioterapiyanıñ 6 kursın qabıldap, büginde jağdayı jaqsara tüsken.

«Jalpı palatada jatatınbız. Qazir «boks» degen palata aşılıp jaqsı boldı. Jañadan preparattar paydalanıp jatır. Demalatın bwrıştar jasap qoyğan, erkin demalamız. Emdeytin qızdar öte jaqsı. Immunitetimiz tömen edi, joğarıladı. Jaña tehnologiya paydalanıp jatır. Rizamız», - deydi nauqastıñ jwbayı Külpäş Äbilqasımova.

Joğarı dozalı himioterapiyanı oñtaylı täsilmen jürgizudi onkologiyalıq ortalıq mamandarı oñtüstikkoreyalıq därigerlerden üyrenip kelgen. Viktoriya YUn şeteldik klinikada bilimin jetildirip, qazir em-dom barısında qoldanıp jür. Biıl tağı 20 medicina qızmetkeri Oñtüstik Koreyağa attanadı.

Sonıñ biri – Äset Jalmağanbetov. Jas hirurg bariatriyalıq hirurgiya töñireginde tereñdetilgen kurstan ötedi.

 «Qızılorda oblısında äli jasalmaydı, bariatriyalıq hirurgiya degen ädis bar. Asqazannıñ, semizdik jäne qant diabetin emdeu ädisi bolıp keledi. Bwl Qazaqstannıñ keybir qalalarında jasaladı. Koreyada jasalıp jatqan operativti emdeu ädisi. Sol biz baratın oqu ornında osı operativti ädispen jasaydı. Sol täsildi meñgerip, osı jaqqa engizsek deymiz», - deydi hirurg Äset Jalmağanbetov.

Sır öñiriniñ aq halattı mamandarın oqıtu jobası oblıstıq byudjetten qarjılandırıladı.

Abai.kz

 

0 pikir