Särsenbi, 17 Şilde 2019
550 5 pikir 17 Mausım, 2019 sağat 19:41

Qazaqstanda jañadan eki ministrlik qwrıldı

Qazaqstan Respublikasınıñ memlekettik basqaru jüyesin odan äri jetildiru maqsatında Prezident Qasım-Jomart Toqaevtıñ qaulısımen jañadan eki ministrlik qwrıldı. Bwl turalı Aqordanıñ resmi saytında habarlandı.

Qazaqstan  Respublikası  Konstituciyasınıñ 44-babınıñ 3) tarmaqşasına säykes memlekettik  basqaru jüyesin jañğırtu jäne  tiimdiligin arttıru maqsatında

QAULI ETEMİN:

Mınalar:

1) Qazaqstan Respublikasınıñ Sauda jäne integraciya ministrligi:

Qazaqstan Respublikası Wlttıq ekonomika ministrliginiñ işki jäne sırtqı sauda sayasatın qalıptastıru jäne iske asıru, halıqaralıq ekonomikalıq integraciya, twtınuşılardıñ qwqıqtarın qorğau salasındağı;

Qazaqstan Respublikası Industriya jäne infraqwrılımdıq damu ministrliginiñ tehnikalıq retteu, standarttau jäne ölşem birligin qamtamasız etu salasındağı;

Qazaqstan Respublikası Sırtqı ister ministrliginiñ eksporttı ilgeriletu salasındağı qızmetti üylestiru jönindegi funkciyaları men ökilettikteri berile otırıp;

2) Qazaqstan Respublikasınıñ Ekologiya, geologiya jäne tabiği resurstar ministrligi:

Qazaqstan Respublikası Energetika ministrliginiñ qorşağan ortanı qorğaudıñ, twrmıstıq qattı qaldıqtarmen jwmıs isteudiñ memlekettik sayasatın qalıptastıru jäne iske asıru, tabiği resurstardı qorğau, olardı wtımdı paydalanudı baqılau jäne qadağalau salasındağı;

Qazaqstan Respublikası Auıl şaruaşılığı ministrliginiñ su qorın paydalanu jäne qorğau, sumen jabdıqtau, su bwru, orman şaruaşılığı salasındağı;

Qazaqstan Respublikası Industriya jäne infraqwrılımdıq damu ministrliginiñ memlekettik geologiyalıq zertteu, mineraldıq-şikizat bazasın molaytu salasındağı funkciyaları men ökilettikteri berile otırıp qwrılsın.

Qazaqstan Respublikasınıñ Ükimeti:

1) Qazaqstan Respublikası  Prezidentiniñ Äkimşiligimen kelisim boyınşa memlekettik organdardıñ jäne olarğa vedomstvolıq bağınıstı wyımdardıñ ştat sanın qayta böludi;

2) osı Jarlıqtı iske asıru boyınşa özge de şaralar qabıldaudı qamtamasız etsin.

Qazaqstan Respublikasınıñ Sauda jäne integraciya ministrligi men Qazaqstan Respublikası Ekologiya, geologiya jäne tabiği resurstar ministrligi Wlttıq ekonomika, Sırtqı ister, Energetika, Auıl şaruaşılığı, Industriya jäne infraqwrılımdıq damu ministrlikteriniñ beriletin funkciyaları men ökilettikteri şeginde qwqıqtarı men mindettemeleriniñ qwqıq mirasqorı bolıp ayqındalsın.

«Qazaqstan Respublikası Ükimetiniñ qwrılımı turalı» Qazaqstan Respublikası Prezidentiniñ 1999 jılğı 22 qañtardağı № 6 Jarlığına mınaday tolıqtırular engizilsin:

1-tarmaq mınaday mazmwndağı joldarmen tolıqtırılsın:

«Qazaqstan Respublikasınıñ Sauda jäne integraciya ministrligi;

Qazaqstan Respublikasınıñ Ekologiya, geologiya jäne tabiği resurstar ministrligi».

Osı Jarlıqtıñ orındaluın baqılau Qazaqstan Respublikası Prezidentiniñ Äkimşiligine jüktelsin.

Osı Jarlıq qol qoyılğan küninen bastap qoldanısqa engiziledi.

Abai.kz

5 pikir