Düysenbi, 16 Qırküyek 2019
Aymaq 1452 1 pikir 25 Mausım, 2019 sağat 11:18

Prezident Arıs qalasındağı evakuaciyalıq punktke bardı

Memleket basşısı tötenşe jağday bolğan aymaqtan köşirilgen twrğındardı ornalastıru boyınşa atqarılıp jatqan jwmıstardıñ barısımen tanıstı. Prezident qauipsiz jerlerge köşirilgen Arıs qalasınıñ twrğındarın ıstıq tamaqpen, medicinalıq järdemmen qamtamasız etip, basqa da barlıq qajetti kömek körsetudi tapsırdı.

Qasım-Jomart Toqaev azamattardıñ qauipsizdigi men olardıñ dünie-mülikteriniñ saqtaluın baqılauda wstau qajettigin eskertti. Memleket basşısı İşki ister ministrligine, äsirese balalarğa erekşe köñil böludi tapsırdı.

– Osı tärtippen jwmıstı jalğastırıñızdar. Ükimetke qalağa jäne onıñ twrğındarına kömektesu turalı tapsırma berildi. Qazir biz eñ birinşi kezekte adamdardıñ, qala twrğındarınıñ qauipsizdigin qamtamasız etuimiz kerek. Ekinşi – körsetiletin kömekter. Arnayı qor qwrıldı. Arısqa bükil Qazaqstan kömektesedi. Men halıqpen jwmıs istep jatqan qalanıñ jwrtşılığına, ardagerlerge rizaşılığımdı bildiremin. Jarılıstıñ sebepterin anıqtau qajet. Qılmıstıq is qozğaldı, tergeu-tekseru bastaldı. Eger kinäliler bolsa, olar zañmen qatañ jazalanadı. Aldağı uaqıtta Arıs jarılğış qwrılğılardıñ barlığınan tazartıluı tiis, – dedi Qazaqstan Prezidenti.

Qasım-Jomart Toqaev ört pen oq-därilerdiñ jarılıs bolğan jerlerdi qalpına keltiru jöninde birqatar naqtı tapsırmalar berdi.

Қасым-Жомарт Тоқаев эвакуацияланған тұрғындармен кездесті (ВИДЕО)

Memleket basşısınıñ baspasöz hatşısı Berik Uäli facebook-tegi paraqşasında Qorğanıs ministri Nwrlan Ermekbaevtıñ Prezidentke Arıstağı jağdaydı bayandap twrğan sätinen suretter jariyaladı.

Abai.kz

1 pikir