Senbi, 20 Şilde 2019
Sañlaq 2056 6 pikir 25 Mausım, 2019 sağat 17:45

Jänibek Älimhanwlı Arıs twrğındarına qarjılay kömek körsetti

Qazaqstandıq käsipqoy boksşı Jänibek Älimhanwlı jarılıs kezinde zardap şekken jäne basqa jerge köşirilgen Arıs qalasınıñ twrğındarına kömek körsetti.

Bwl turalı boksşı Instagram jelisindegi jeke paraqşasında jazdı.

«Arıstağı jağdaydı estip, körip jatırmız. Bizde tañ endi attı. Beybit künde qanşama adam qayğırıp, üysiz qaldı. Tas tüsken jerine auır. Alla sabır bersin deymiz. Eldegiler arıstıqtarğa barınşa qol wşın sozıp, järdem berip jatqanınan da habardarmız. Biz jeñiske jetkende quanatın halıq qayğırğanda tınış jatu bizge sın. Bir jırtıqqa jamau bolayıq dep tabısımızdıñ bir böligin Arıstağı ağayınğa audardıq. El aman bolsın. Joğalğan balalar ata-anasımen qauışıp, qayğı artı jaqsılıq bolğay!», - dep jazdı Älimhanwlı.

Jänibek Älimhanwlı boks äleminde Qazaq style degen tüsinik qalıptastırudı maqsat twtadı. "Meksikalıq stil'" sekildi "qazaq boks stili" de älemge äygili bolsa deydi. Osı jolda tınbay ter tögip jürgen azamat öziniñ jay sportşı emes ekenin tağı bir märte däleldedi. Mwhittıñ arğı betinde jatsa da, Arıs qalasındağı ağayına qoldau bildirip, qarjılay kömek körsetip otır.

Abai.kz

6 pikir