سارسەنبى, 17 شىلدە 2019
ساڭلاق 2008 6 پىكىر 25 ماۋسىم, 2019 ساعات 17:45

جانىبەك ءالىمحانۇلى ارىس تۇرعىندارىنا قارجىلاي كومەك كورسەتتى

قازاقستاندىق كاسىپقوي بوكسشى جانىبەك ءالىمحانۇلى جارىلىس كەزىندە زارداپ شەككەن جانە باسقا جەرگە كوشىرىلگەن ارىس قالاسىنىڭ تۇرعىندارىنا كومەك كورسەتتى.

بۇل تۋرالى بوكسشى Instagram جەلىسىندەگى جەكە پاراقشاسىندا جازدى.

«ارىستاعى جاعدايدى ەستىپ، كورىپ جاتىرمىز. بىزدە تاڭ ەندى اتتى. بەيبىت كۇندە قانشاما ادام قايعىرىپ، ءۇيسىز قالدى. تاس تۇسكەن جەرىنە اۋىر. اللا سابىر بەرسىن دەيمىز. ەلدەگىلەر ارىستىقتارعا بارىنشا قول ۇشىن سوزىپ، جاردەم بەرىپ جاتقانىنان دا حاباردارمىز. ءبىز جەڭىسكە جەتكەندە قۋاناتىن حالىق قايعىرعاندا تىنىش جاتۋ بىزگە سىن. ءبىر جىرتىققا جاماۋ بولايىق دەپ تابىسىمىزدىڭ ءبىر بولىگىن ارىستاعى اعايىنعا اۋداردىق. ەل امان بولسىن. جوعالعان بالالار اتا-اناسىمەن قاۋىشىپ، قايعى ارتى جاقسىلىق بولعاي!»، - دەپ جازدى ءالىمحانۇلى.

جانىبەك ءالىمحانۇلى بوكس الەمىندە Qazaq stylە دەگەن تۇسىنىك قالىپتاستىرۋدى ماقسات تۇتادى. "مەكسيكالىق ستيل" سەكىلدى "قازاق بوكس ءستيلى" دە الەمگە ايگىلى بولسا دەيدى. وسى جولدا تىنباي تەر توگىپ جۇرگەن ازامات ءوزىنىڭ جاي سپورتشى ەمەس ەكەنىن تاعى ءبىر مارتە دالەلدەدى. مۇحيتتىڭ ارعى بەتىندە جاتسا دا، ارىس قالاسىنداعى اعايىنا قولداۋ ءبىلدىرىپ، قارجىلاي كومەك كورسەتىپ وتىر.

Abai.kz

6 پىكىر