Jeksenbi, 5 Säuir 2020
COVID-19 QAZAQSTANDA. Jwqtırğandar — 531. Jazılğandar — 36. Qaytıs bolğandar — 5
1094 0 pikir 27 Mausım, 2019 sağat 10:32

İİM Arıstıñ "350 twrğını joğalğanı" jaylı habardı teristedi

Qazaqstan işki ister ministrligi 26 mausımda taratqan mälimdemesinde düysenbi küni äskeri qoymadağı ört pen jarılıstan soñ "Arıs qalasınıñ 350 twrğını habar-oşarsız ketken" degen aqparattı joqqa şığardı.

"Qalanıñ (Arıs – red.) barlıq twrğındarı evakuaciyalandı jäne iz-tüssiz joğalğandar joq" delingen resmi habarlamada. İİM twrğındardı äleumettik jeliler men WhatsApp messendjeri arqılı taralatın "jalğan aqparatqa senbeuge" şaqırıp, onday habar taratqandar qılmıstıq jauapkerşilikke tartılatının eskertken.

Bwğan deyin jergilikti key basılımdar Şımkenttegi tötenşe jağday qızmetine silteme jasap, Arıstağı jarılıstardan keyin "350-den astam adamnıñ tabılmay jatqanı" turalı habar taratqan edi. İİM onı teriske şığarğannan keyin, särsenbi küni osı habardı köşirip basqan on şaqtı basılımnıñ öz saytınan ol aqparattı alıp tastağanı jaylı QazTAG agenttigi habarladı.

Düysenbi küni tañerteñ äskeri qoymada jarılıstar bastalğannan keyin 43 mıñnan astam adam twratın Arıs qalasınan ondağan mıñ twrğın Şımkent pen basqa da eldimekenderge ketuge mäjbür bolğan. Biliktiñ dereginşe, 39 mıñ adam öz betimen bas sauğalap, basqa jaqqa ketken. Üş mıñnan astam adam Türkistan oblısı äkimdigi bölgen avtobuspen Şımkentke jetken. Olardıñ köpşiligi tuğan-tuısın sağalap ketken.

26 mausım küni Qazaqstan qorğanıs ministrligi Arıstağı jarılıs kezinde jaralanğan tağı bir äskeri qızmetkerdiñ seysenbide auruhanada qaytıs bolğanın habarladı. Bwğan deyin bilik Arıstağı jarılıstar saldarınan bir äskeri men köligine snaryad tüsken bir twrğınnıñ qaza bolğanı turalı aqparat taratqan edi.

25 mausımda Qazaqstan densaulıq saqtau ministrligi jarılıstan soñ on bes adamnıñ (törteui - bala) jan saqtau bölimine jatqızılğanın, toğız adamnıñ hali auır ekenin habarlağan. Resmi mälimet boyınşa, barlığı 165 adam däriger kömegine jügingen. Onıñ 89-ı auruhanada jatır.

24 mausım küni tañerteñ Arıstağı äskeri oq-däri qoymasında aldımen ört şığıp, keyin jarılıstar bolğan. Türkistan oblısı äkimdigi aymaqta tötenşe jağday jariyaladı. Qazir Arıs qalasına kiruge tıyım salınğan. Bilik "qauiptiñ äli seyilmegenin, qalada saperler komandası jwmıs istep jatqanın" habarlağan.

Abai.kz

0 pikir