Jeksenbi, 25 Tamız 2019
46 - söz 1596 1 pikir 24 Şilde, 2019 sağat 12:07

Mwhtar Jäkişevtiñ bosap şığuın bükil qoğam bolıp talap etuimiz kerek!

Kriminalistika men sot saraptaması salasında lazerlik ädisti paydalanudan Mwhtar Jäkişev 1992 jılı zañ ğılımdarınıñ kandidatı degen ğılımi ataq alğan. Sol jılı onı Amerikadağı halıqaralıq identifikaciya (anıqtau) qauımdastığınıñ 77-şi konferenciyasına şaqırıp, qauımdastıqqa müşe etip qabıldadı. Qauımdastıqqa älemniñ 177 elinen 12 mınan astam adam müşe bolıp kirgen eken. Ol jaqta Mwhtardıñ äriptesterimen birigip oylap tapqan erekşe jañalığına şeteldikter qattı qızığadı.

Keyin onı qılmıstıñ betin aşu üşin naqtı jwmısqa tartıp, älgi qwraldı is jüzinde sınap köredi. Osı kezde Mwhtar jañağı qwraldıñ kömegimen Atlantik-Sitide sodan 15 jıl bwrın jasalğan sayasi qılmıstı aşıp, sondağılardıñ bärin qayran qaldırıptı. Amerikadağı Rod-Aylandta Mwhtar lekciya oqi bastaydı. FBB (FBR) qazaq jigitiniñ osı eñbegin joğarı bağalap, jılına 110 mıñ dollarday aylıq alıp otıratın mıqtı maman bolıp, Amerikada qaluın ötinedi. Biraq Mwhtar olardıñ ötinişinen bas tartadı. Qazaqstanğa qaytıp oralıp, elge, otanına qızmet etkisi keletinin aytıptı.

Sodan ol toqırap, twralap twrğan uran öndiru salasınıñ qan tamırına qayta qan jügirtip, onı az uaqıtta dünie jüzindegi eñ üzdik öndiriske aynaldırıp, «Qazatompromdı» älemdik deñgeydegi bolaşağı bar tabıstı kompaniyalardıñ qatarına qosadı.

Otanına, eline qızmet etkisi kelgen osınday patriot 14 jıldan beri temir torda torığıp jatır. Mwhtardıñ kezinde ne üşin türmege otırğanın, kim otırğızğanın jaqsı bilemiz. Endi mwnday azamattı arı qaray qamauda, qapasta wstap otıra beru – eldigimizge de, azamattığımızğa da ülken sın.

Mwhtardıñ bosap şığuın bükil qoğam bolıp, külli qazaq qoğamı bolıp talap etuimiz kerek, ağayın!

Jolımbet Mäkiştiñ jazbasınan

Abai.kz

1 pikir