Senbi, 24 Tamız 2019
Alaşorda 2925 3 pikir 2 Tamız, 2019 sağat 13:20

Taldıqorğandağı mektepke Barlıbek Sırttanovtıñ esimi beriletin boldı

Taldıqorğannan süyinşili habar jetti. Taldıqorğandağı №25 mektepke altı alaştıñ aldaspan twlğası, qazaqtıñ alğaşqı Konstituciyasın jazğan oqımıstı, zañger Barlıbek Sırttanovtıñ esimin beru turalı şeşim şıqtı.

Küni keşe Almatı oblısınıñ äkimdiginde mäslihattıñ sessiyası ötti. Sessiya otırısın oblıstıq mäslihat deputatı Toqan Botabekov jürgizdi. Sessiya otırısına oblıs äkiminiñ orınbasarı Serikjan Beskempirov, oblıstıq mäslihat hatşısı Swltan Düysembinov jäne basqarma basşıları, audan, qala äkimderi qatıstı. Sessiya otırısına wsınılğan mäseleniñ biri Barlıbek Sırttanov köşesiniñ boyındağı №25 mektepke dañqtı twlğanıñ esimin beru. Deputattar wsınıstı birauızdan qoldap, QR Ükimetiniñ janındağı respublikalıq onomostikalıq komissiyanıñ qarauına jiberdi.

Esteriñizge sala keteyik, 2017 jıldıñ 21 mausımı küni Parlament Mäjilisiniñ minberinde twñğış ret tarihi twlğa – Barlıbek Sırtanwlınıñ esimi aytılıp, onıñ ömir jolı men qoğamdıq-sayasi qızmeti, wlt bostandığı üşin atqarğan orasan zor qızmetine sayasi bağa berildi.

Bwl – twlğatanu ğılımı üşin ülken jetistik! M.Bopazov, S.Ümbetov, E.Bektwrğanov, B.Smağwl, B.Mamraev, N.Dulatbekov sındı QR Parlamenti Mäjilisiniñ deputattarı Barlıbektanu mäselesin kötergen edi.

Sol deputattıq saual barısında Taldıqorğandağı №25 mektepke twlğanıñ esimin beru turalı wsınıs aytılğan bolatın. Mine, bügin sol deputattıq saualdıñ jäne birneşe märte jazılğan wsınıs hattıñ ümiti «janıp» otır.

Endi sol oblıs ortalığındağı mekteptiñ aldına qayratkerdiñ eñseli eskertkişin ornatsa, öskeleñ wrpaqqa qayrat berer ruh bolar edi.

Abai.kz

3 pikir