Düysenbi, 16 Jeltoqsan 2019
Bilik 1114 0 pikir 2 Tamız, 2019 sağat 13:25

Senatınıñ deputattarı Şımkent qalasınıñ mäslihat deputattarımen kezdesti

Parlament Senatınıñ deputattarı Nwrlan Beknazarov pen Aygül Qapbarova Şımkent qalasınıñ mäslihat deputattarımen kezdesti. Jiında senatorlar Parlament joğarğı palatasınıñ osı uaqıtqa deyin atqarğan jwmıstarı jäne qabıldanğan zañdardıñ mañızı turalı habardar etti.

Senator N.Beknazarov respublikalıq mañızı bar qalalardıñ sanatına Şımkent qalasınıñ enuine baylanıstı Senatta qabıldanğan äkimşilik aumaqtıq  qwrılım, respublikalıq byudjetke özgerister engizu jäne azamattardı äleumettik qoldauğa bağıttalğan zañdar turalı jan-jaqtı aytıp berdi.

Şımkent qalası deputattarı aldağı bolatın jergilikti mäslihat deputattarınıñ saylauı, medicina salasındağı reformalardıñ beretin nätijesi, käsipkerlikti qoldau, Jañatalap, Twran, Köktöbe eldimekenderiniñ twrğındarın auız sumen qamtamasız etudi tezdetip şeşuge ıqpal jasaudı swradı. Sonday-aq, jergilikti audan äkimderiniñ infraqwrılımdıq jüyelerge qatıstı josparlau mäseleleri boyınşa derbes qwzıret beruge qatıstı qajetti zañdarğa özgeris engizu mäselesi de köterildi. Jastar jayı, joğarğı bilim aluğa grant bölu, memlekettik pen jekemenşik oqu orındarındağı tölem aqılardıñ mölşeri joğarı ekendigi de söz boldı.

N.Beknazarov mäslihat deputattarı kötergen saualdar men wsınıstardı jan-jaqtı qarap, mäselelerdi tolıqtay zerdelegennen keyin Senattağı jwmıs barısında şeşuge ıqpal etetinin ayttı.

Senat deputattarı sonday-aq Şımkent qalasına jwmıs babındağı saparı ayasında Qoğamdıq keñes müşelerimen de kezdesip, institut jwmısın jetildiru, memlekettik bağdarlamalardıñ orındaluına saraptamalıq baqılau mäseleleri boyınşa oy bölisti.

Jiında N.Beknazarov Qoğamdıq keñes 2016 jıldan beri keñester turalı zañğa säykes qwrılıp, elge qajetti jwmıs atqarıp kele jatqanın, äli de jwmıstı jetildire tüsu qajettigine toqtaldı.

«Özimiz saylanğan öñirdiñ tınıs-tirşiligimen tanısuımız kerek. Jürgizilip otırğan jwmıstar, özekti mäselelerden habardar bolıp otıruımız qajet. Prezident tapsırmasına säykes jäne Ükimet tarapınan şalğay auıldar men audandardıñ damuına basa nazar audarıluda. Al qoğamdıq keñes institutı – bilik pen qoğam arasında altın köpir boluı tiis», - dedi N.Beknazarov.

Senat deputatı Aygül Qapbarova öñirdegi äleumettik qoldau şaralarına köbirek köñil bölu qajettigin ayttı. «Qoğamdıq keñestiñ ıqpalı men röli jıl sayın küşeyip keledi. Elimizde äleumettik reformalar jürgizilude, jaña äleumettik közqaras qajettigi tuındap otır. Osı mäselede sizderge artılatın jük köp dep oylaymın», – dedi A.Qapbarova.

N.Beknazarov Qoğamdıq keñes müşeleri qaladağı orın alğan barlıq problemalardı mwqiyat qarap, jergilikti atqaruşı biliktiñ aldında köterudi jäne naqtı şeşu joldarın qarastıruı qajettigin ayttı.

Abai.kz

0 pikir