جۇما, 29 ناۋرىز 2024
بيلىك 3747 0 پىكىر 2 تامىز, 2019 ساعات 13:25

سەناتىنىڭ دەپۋتاتتارى شىمكەنت قالاسىنىڭ ءماسليحات دەپۋتاتتارىمەن كەزدەستى

پارلامەنت سەناتىنىڭ دەپۋتاتتارى نۇرلان بەكنازاروۆ پەن ايگۇل قاپباروۆا شىمكەنت قالاسىنىڭ ءماسليحات دەپۋتاتتارىمەن كەزدەستى. جيىندا سەناتورلار پارلامەنت جوعارعى پالاتاسىنىڭ وسى ۋاقىتقا دەيىن اتقارعان جۇمىستارى جانە قابىلدانعان زاڭداردىڭ ماڭىزى تۋرالى حاباردار ەتتى.

سەناتور ن.بەكنازاروۆ رەسپۋبليكالىق ماڭىزى بار قالالاردىڭ ساناتىنا شىمكەنت قالاسىنىڭ ەنۋىنە بايلانىستى سەناتتا قابىلدانعان اكىمشىلىك اۋماقتىق  قۇرىلىم، رەسپۋبليكالىق بيۋدجەتكە وزگەرىستەر ەنگىزۋ جانە ازاماتتاردى الەۋمەتتىك قولداۋعا باعىتتالعان زاڭدار تۋرالى جان-جاقتى ايتىپ بەردى.

شىمكەنت قالاسى دەپۋتاتتارى الداعى بولاتىن جەرگىلىكتى ءماسليحات دەپۋتاتتارىنىڭ سايلاۋى، مەديتسينا سالاسىنداعى رەفورمالاردىڭ بەرەتىن ناتيجەسى، كاسىپكەرلىكتى قولداۋ، جاڭاتالاپ، تۇران، كوكتوبە ەلدىمەكەندەرىنىڭ تۇرعىندارىن اۋىز سۋمەن قامتاماسىز ەتۋدى تەزدەتىپ شەشۋگە ىقپال جاساۋدى سۇرادى. سونداي-اق، جەرگىلىكتى اۋدان اكىمدەرىنىڭ ينفراقۇرىلىمدىق جۇيەلەرگە قاتىستى جوسپارلاۋ ماسەلەلەرى بويىنشا دەربەس قۇزىرەت بەرۋگە قاتىستى قاجەتتى زاڭدارعا وزگەرىس ەنگىزۋ ماسەلەسى دە كوتەرىلدى. جاستار جايى، جوعارعى ءبىلىم الۋعا گرانت ءبولۋ، مەملەكەتتىك پەن جەكەمەنشىك وقۋ ورىندارىنداعى تولەم اقىلاردىڭ مولشەرى جوعارى ەكەندىگى دە ءسوز بولدى.

ن.بەكنازاروۆ ءماسليحات دەپۋتاتتارى كوتەرگەن ساۋالدار مەن ۇسىنىستاردى جان-جاقتى قاراپ، ماسەلەلەردى تولىقتاي زەردەلەگەننەن كەيىن سەناتتاعى جۇمىس بارىسىندا شەشۋگە ىقپال ەتەتىنىن ايتتى.

سەنات دەپۋتاتتارى سونداي-اق شىمكەنت قالاسىنا جۇمىس بابىنداعى ساپارى اياسىندا قوعامدىق كەڭەس مۇشەلەرىمەن دە كەزدەسىپ، ينستيتۋت جۇمىسىن جەتىلدىرۋ، مەملەكەتتىك باعدارلامالاردىڭ ورىندالۋىنا ساراپتامالىق باقىلاۋ ماسەلەلەرى بويىنشا وي ءبولىستى.

جيىندا ن.بەكنازاروۆ قوعامدىق كەڭەس 2016 جىلدان بەرى كەڭەستەر تۋرالى زاڭعا سايكەس قۇرىلىپ، ەلگە قاجەتتى جۇمىس اتقارىپ كەلە جاتقانىن، ءالى دە جۇمىستى جەتىلدىرە ءتۇسۋ قاجەتتىگىنە توقتالدى.

«ءوزىمىز سايلانعان ءوڭىردىڭ تىنىس-تىرشىلىگىمەن تانىسۋىمىز كەرەك. جۇرگىزىلىپ وتىرعان جۇمىستار، وزەكتى ماسەلەلەردەن حاباردار بولىپ وتىرۋىمىز قاجەت. پرەزيدەنت تاپسىرماسىنا سايكەس جانە ۇكىمەت تاراپىنان شالعاي اۋىلدار مەن اۋدانداردىڭ دامۋىنا باسا نازار اۋدارىلۋدا. ال قوعامدىق كەڭەس ينستيتۋتى – بيلىك پەن قوعام اراسىندا التىن كوپىر بولۋى ءتيىس»، - دەدى ن.بەكنازاروۆ.

سەنات دەپۋتاتى ايگۇل قاپباروۆا وڭىردەگى الەۋمەتتىك قولداۋ شارالارىنا كوبىرەك كوڭىل ءبولۋ قاجەتتىگىن ايتتى. «قوعامدىق كەڭەستىڭ ىقپالى مەن ءرولى جىل سايىن كۇشەيىپ كەلەدى. ەلىمىزدە الەۋمەتتىك رەفورمالار جۇرگىزىلۋدە، جاڭا الەۋمەتتىك كوزقاراس قاجەتتىگى تۋىنداپ وتىر. وسى ماسەلەدە سىزدەرگە ارتىلاتىن جۇك كوپ دەپ ويلايمىن»، – دەدى ا.قاپباروۆا.

ن.بەكنازاروۆ قوعامدىق كەڭەس مۇشەلەرى قالاداعى ورىن العان بارلىق پروبلەمالاردى مۇقيات قاراپ، جەرگىلىكتى اتقارۋشى بيلىكتىڭ الدىندا كوتەرۋدى جانە ناقتى شەشۋ جولدارىن قاراستىرۋى قاجەتتىگىن ايتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568