Senbi, 24 Tamız 2019
416 1 pikir 14 Tamız, 2019 sağat 12:06

Aqtöbede örtengen avtobus iesi üş jılğa sottaldı

Türkistan oblısı Sarıağaş audandıq sotı Aqtöbe oblısında ötken jılı qañtarda örtengen jolauşılar avtobusınıñ iesi Orduhan Mehtievti üş jılğa sottadı.

Bwl turalı 13 tamızda oblıstıq sottıñ baspasöz qızmeti habarladı. 2018 jılı qısta bolğan örtten avtobus salonında otırğan 52 özbek azamatı mert bolğan edi.

Türkistan oblıstıq sotı baspasöz qızmetiniñ mälimetinşe, Sarıağaş sotı jäbirlenuşilerdiñ talap arızdarın işinara qanağattandırğan. Sot Taşkent twrğını, Qazaqstan azamatı 46 jastağı Mehtievti Qılmıstıq kodekiniñ "Kölik qwraldarın sapasız jöndeu nemese olardı tehnikalıq aqaularımen paydalanuğa şığaru" babı boyınşa kinäli dep, üş jılğa bas bostandığınan ayıruğa ükim etti. Sottaluşı jazasın qılmıstıq-atqaru jüyesiniñ qauipsizdigi barınşa tömen mekemesinde öteu belgilengen. Ükim küşine engen joq, taraptardıñ apellyaciyalıq şağım tüsiruge qwqığı bar. Bwl is boyınşa sot 24 säuirde bastalğan edi.

Sotta Mehtiev özine tağılğan ayıppen kelispeytinin, kinäsin moyındamaytının aytqan.

Orduhan Mehtiev 2018 jılı 20 qaraşada Taşkenttiñ Sergeli audanında wstalıp, 26 jeltoqsanda Qazaqstanğa ekstradiciyalanğan.

2018 jılı 18 qañtarda Aqtöbe oblısınıñ Irğız audanı Qalıbay auılınan 10 kilometr qaşıqta Şımkent - Samara jolında jolauşılar avtobusı örtengen. Bilik orındarınıñ habarlauınşa, avtobusta barlığı 57 adam bolğan, olardıñ 52-si qaza bolğan. Qwrban bolğandardıñ barlığı – Özbekstan azamatı. Eki jolauşı men üş jürgizuşi aman qalğan.​

Keyin Aqtöbede qılmıstıq is qozğalıp, bes adam qamalğan. Aman qalğan üş jürgizuşi biıl qaraşa ayında bes jılğa, avtobustı jalğa alğan "Aziya tranzit servis" kompaniyasınıñ qwrıltayşısı men avtobus mehanigi üş jarım jılğa sottalğan. Ayıptaluşılar tağılğan ayıptardı moyındamağan.

Abai.kz

1 pikir