جۇما, 29 ناۋرىز 2024
2762 1 پىكىر 14 تامىز, 2019 ساعات 12:06

اقتوبەدە ورتەنگەن اۆتوبۋس يەسى ءۇش جىلعا سوتتالدى

تۇركىستان وبلىسى سارىاعاش اۋداندىق سوتى اقتوبە وبلىسىندا وتكەن جىلى قاڭتاردا ورتەنگەن جولاۋشىلار اۆتوبۋسىنىڭ يەسى وردۋحان مەحتيەۆتى ءۇش جىلعا سوتتادى.

بۇل تۋرالى 13 تامىزدا وبلىستىق سوتتىڭ ءباسپاسوز قىزمەتى حابارلادى. 2018 جىلى قىستا بولعان ورتتەن اۆتوبۋس سالونىندا وتىرعان 52 وزبەك ازاماتى مەرت بولعان ەدى.

تۇركىستان وبلىستىق سوتى ءباسپاسوز قىزمەتىنىڭ مالىمەتىنشە، سارىاعاش سوتى جابىرلەنۋشىلەردىڭ تالاپ ارىزدارىن ءىشىنارا قاناعاتتاندىرعان. سوت تاشكەنت تۇرعىنى، قازاقستان ازاماتى 46 جاستاعى مەحتيەۆتى قىلمىستىق كودەكىنىڭ "كولiك قۇرالدارىن ساپاسىز جوندەۋ نەمەسە ولاردى تەحنيكالىق اقاۋلارىمەن پايدالانۋعا شىعارۋ" بابى بويىنشا كىنالى دەپ، ءۇش جىلعا باس بوستاندىعىنان ايىرۋعا ۇكىم ەتتى. سوتتالۋشى جازاسىن قىلمىستىق-اتقارۋ جۇيەسىنىڭ قاۋىپسىزدىگى بارىنشا تومەن مەكەمەسىندە وتەۋ بەلگىلەنگەن. ۇكىم كۇشىنە ەنگەن جوق، تاراپتاردىڭ اپەللياتسيالىق شاعىم تۇسىرۋگە قۇقىعى بار. بۇل ءىس بويىنشا سوت 24 ساۋىردە باستالعان ەدى.

سوتتا مەحتيەۆ وزىنە تاعىلعان ايىپپەن كەلىسپەيتىنىن، كىناسىن مويىندامايتىنىن ايتقان.

وردۋحان مەحتيەۆ 2018 جىلى 20 قاراشادا تاشكەنتتىڭ سەرگەلى اۋدانىندا ۇستالىپ، 26 جەلتوقساندا قازاقستانعا ەكستراديتسيالانعان.

2018 جىلى 18 قاڭتاردا اقتوبە وبلىسىنىڭ ىرعىز اۋدانى قالىباي اۋىلىنان 10 كيلومەتر قاشىقتا شىمكەنت - سامارا جولىندا جولاۋشىلار اۆتوبۋسى ورتەنگەن. بيلىك ورىندارىنىڭ حابارلاۋىنشا، اۆتوبۋستا بارلىعى 57 ادام بولعان، ولاردىڭ 52-ءسى قازا بولعان. قۇربان بولعانداردىڭ بارلىعى – وزبەكستان ازاماتى. ەكى جولاۋشى مەن ءۇش جۇرگىزۋشى امان قالعان.​

كەيىن اقتوبەدە قىلمىستىق ءىس قوزعالىپ، بەس ادام قامالعان. امان قالعان ءۇش جۇرگىزۋشى بيىل قاراشا ايىندا بەس جىلعا، اۆتوبۋستى جالعا العان "ازيا ترانزيت سەرۆيس" كومپانياسىنىڭ قۇرىلتايشىسى مەن اۆتوبۋس مەحانيگى ءۇش جارىم جىلعا سوتتالعان. ايىپتالۋشىلار تاعىلعان ايىپتاردى مويىنداماعان.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593