Seysenbi, 20 Tamız 2019
791 0 pikir 14 Tamız, 2019 sağat 14:13

Wlttıq teatrlar Qostanayda ötetin festival'ğa jinaladı

Ağımdağı jıldıñ 20-23 tamız aralığında Qazaqstan Respublikasınıñ Mädeniet jäne sport ministrligi Qazaqstannıñ wlttıq (etnikalıq) teatrlarınıñ V respublikalıq festivalin ötkizedi. Qazılar alqası retinde E.Juasbek, M.Tokarev, A.Erkebay, S.Qamiev siyaqtı tanımal teatr sınşıları men ärtisteri, sonday-aq Qazaqstan Respublikası Parlamenti Mäjilisiniñ deputatı N.Jwmadildaeva öz taraptarınan festival'ğa qatısuğa dayındıqtarın bildirdi. 

Festival' bağdarlaması tört künge äzirlengen. Festival'diñ saltanattı aşılu räsimi 20 tamızda sağat 10:00-de jäne İ. Omarov atındağı Qostanay oblıstıq qazaq drama teatrında ötedi.

Odan keyin memlekettik Respublikalıq akademiyalıq korey muzıkalıq komediya teatrınıñ truppası («Mahabbat turalı Poema» spektakl'-eposı) jäne Qostanay oblıstıq orıs drama teatrınıñ truppası («Aq kelinniñ mahabbatı men ölimi» tragediyası) attı üzdik qoyılımdarın wsınadı.

Ekinşi küni, 21 tamızda, körermen aldında Şımkent qalalıq Özbek drama teatrınıñ («Qasqır wlığan tün» draması) jäne İ. Omarov atındağı Qostanay oblıstıq qazaq drama teatrınıñ ärtisteri («Aq bas bürkit» draması) öner körsetedi.

Al üşinşi küni, 22 tamızda, teatr sahnasında memlekettik K. Qojam'yarov atındağı Memlekettik respublikalıq akademiyalıq wyğır muzıkalıq komediya teatrınıñ wjımı öner körsetedi («Apat» muzıkalıq plastikalıq spektakli).

Festival'diñ saltanattı jabıluı men jeñimpazdardı on nominaciya boyınşa marapattau Qazaqstan halqı Assambleyası Törağasınıñ orınbasarı J.Q. Tüymebaevtıñ, QR Mädeniet jäne sport ministri A.R. Rayımqwlovanıñ, Qostanay oblısınıñ äkimi A.B. Muhambetovtıñ qatısuımen ağımdağı jıldıñ 23 tamızında sağat 10:00-de Jastar sarayında ötkiziledi.

Sonımen qatar, negizgi bağdarlamadan tıs festival' qatısuşıları üşin Qostanay qalasınıñ körikti jerlerin körsetuge arnalğan mädeni bağdarlama qarastırılğan.

Festival'diñ wyımdastıruşısı Qazaqstan Respublikasınıñ Mädeniet jäne sport ministrligi Qazaqstan halqı Assambleyasınıñ, Qostanay oblısı äkimdiginiñ qoldauımen.

Barlıq körermenderge festival'ğa kiru tegin.

Abai.kz

0 pikir