Seysenbi, 20 Tamız 2019
581 5 pikir 14 Tamız, 2019 sağat 17:16

Şielide kün elektr stanciyası salınuda

Qızılorda oblısı Şieli audanında kün elektr stanciyasınıñ qwrılısı jürip jatır,- dep habarlaydı Abay-aqparat.

Quattılığı sağatına 50 megavattı qwraytın aytulı joba audanğa qarastı Swlutöbe auılınıñ irgesinde salınıp jatır. Bwl maqsatta 150 gektar jer telimi berilgen. Joba boyınşa kün elektr stanciyası jaqın audandar men oblıs ortalığın jarıqpen qamtamasız etpek. Mamandardıñ sözinşe, nısan auadağı kömirqışqıl gazınıñ jıldıq mölşerin 75 mıñ tonnağa deyin azaytuğa mümkindik bermek.

– Jalpı bwl 23 mlrd teñgeniñ köleminde investiciya tartılıp jatqan. Bwl mısalı bizdiñ Şieli audanında qıstı künderi 9 mVt paydalansaq, jazda 13-14 mVt paydalanamız. Endi sizder eseptep körseñizder, 4-5 audannıñ elektr quatımen qamtamasız etetin ülken öndiris ornı bolayın dep twr. Qazir qwrılısı bastalıp jatır, biz jeltoqsan ayında bitiremiz dep josparlap otır, - deydi Şieli audanınıñ äkimi Äşim Orazbekwlı.

Joba iske qosılğanda äleumettik kömek retinde kün elektr stanciyası jaqın ornalasqan eldi meken twrğındarına jeñildikter körsetilu jağı qarastırılmaq.

Ayta keteyik, jaqında Jalağaş audanında da kün elektr stanciyasınıñ qwrılıs bastalğan bolatın.

Abai.kz

5 pikir