سەنبى, 24 تامىز 2019
600 5 پىكىر 14 تامىز, 2019 ساعات 17:16

شيەلىدە كۇن ەلەكتر ستانتسياسى سالىنۋدا

قىزىلوردا وبلىسى شيەلى اۋدانىندا كۇن ەلەكتر ستانتسياسىنىڭ قۇرىلىسى ءجۇرىپ جاتىر،- دەپ حابارلايدى اباي-اقپارات.

قۋاتتىلىعى ساعاتىنا 50 مەگاۆاتتى قۇرايتىن ايتۋلى جوبا اۋدانعا قاراستى سۇلۋتوبە اۋىلىنىڭ ىرگەسىندە سالىنىپ جاتىر. بۇل ماقساتتا 150 گەكتار جەر تەلىمى بەرىلگەن. جوبا بويىنشا كۇن ەلەكتر ستانتسياسى جاقىن اۋداندار مەن وبلىس ورتالىعىن جارىقپەن قامتاماسىز ەتپەك. مامانداردىڭ سوزىنشە، نىسان اۋاداعى كومىرقىشقىل گازىنىڭ جىلدىق مولشەرىن 75 مىڭ تونناعا دەيىن ازايتۋعا مۇمكىندىك بەرمەك.

– جالپى بۇل 23 ملرد تەڭگەنىڭ كولەمىندە ينۆەستيتسيا تارتىلىپ جاتقان. بۇل مىسالى ءبىزدىڭ شيەلى اۋدانىندا قىستى كۇندەرى 9 مۆت پايدالانساق، جازدا 13-14 مۆت پايدالانامىز. ەندى سىزدەر ەسەپتەپ كورسەڭىزدەر، 4-5 اۋداننىڭ ەلەكتر قۋاتىمەن قامتاماسىز ەتەتىن ۇلكەن ءوندىرىس ورنى بولايىن دەپ تۇر. قازىر قۇرىلىسى باستالىپ جاتىر، ءبىز جەلتوقسان ايىندا بىتىرەمىز دەپ جوسپارلاپ وتىر، - دەيدى شيەلى اۋدانىنىڭ اكىمى ءاشىم ورازبەكۇلى.

جوبا ىسكە قوسىلعاندا الەۋمەتتىك كومەك رەتىندە كۇن ەلەكتر ستانتسياسى جاقىن ورنالاسقان ەلدى مەكەن تۇرعىندارىنا جەڭىلدىكتەر كورسەتىلۋ جاعى قاراستىرىلماق.

ايتا كەتەيىك، جاقىندا جالاعاش اۋدانىندا دا كۇن ەلەكتر ستانتسياسىنىڭ قۇرىلىس باستالعان بولاتىن.

Abai.kz

5 پىكىر