Düysenbi, 16 Jeltoqsan 2019
Aymaq 1599 0 pikir 15 Tamız, 2019 sağat 18:07

Sırboyılıq önerpazdar Özbekstanda öner körsetti

Özbekstannıñ Novoi qalasındağı «Farhad» mädeniet ortalığında Qızılorda oblıstıq filarmoniyasınıñ Twrmağambet atındağı halıq aspaptar orkestri jäne jeke orındauşılar öner körsetti, - dep habarlaydı Abay-aqparat.

Atalğan şaranıñ negizgi maqsatı – memleketaralıq dostıqtı nığaytu, beybitşilikti nasihattau. «Özge wlttıñ tili men ädep-ğwrıptarın, salt-dästürlerin, mädenietin bilu jäne ruhani bolmısın tanu twtas bir qoğam üşin zor täjiribe» deydi şarağa qatısuşılar.

Özbekstandağı Qazaqstan jılınıñ ayasında wyımdastırılğan şarada Twrmağambet atındağı halıq aspaptar orkestrimen qatar Bas dirijeri «Qwrmet» ordeni, Mädeniet qayratkeri tösbelgisiniñ iegeri Keulimjay Botabaev, dirijeri «Mädeniet salasınıñ üzdigi» tösbelgisiniñ iegeri Küldäri Izbanova öner körsetti. Mädeni keşte Qorqıt, Türkeş, Qwrmanğazı, Älşekey sındı dala kompozitorlarınıñ tuındıları orındaldı. Äsirese, Sır boyında saqtalğan erekşe fenomen – kömey tildi qozğay jırlaytın muzıkalıq mädenietimizdegi eñ köne, eñ kürdeli önerimizdi bauırlas el zor ıqılaspen qabıl aldı. Sonımen qatar, eki memlekettiñ dostığınıñ ayğağı retinde özbek halqınıñ şığarmaları, bi qoyılımdarı sahnaladı.

Abai.kz

0 pikir