Senbi, 21 Qırküyek 2019
Bilik 2571 49 pikir 2 Qırküyek, 2019 sağat 11:28

Prezident: Qazaq tiliniñ wltaralıq qatınas tiline aynalatın kezeñi keledi

Memleket basşısı Qasım-Jomart Toqaev Parlament palatalarınıñ birlesken otırısında Qazaqstan halqına Joldauın jariyalauda.

Prezident Joldauınıñ mätinderi Aqordanıñ Twitter jelisindegi paraqşasında jariyalanuda.

"Elimizdiñ damu jolın bükil älem moyındap, qazaqstandıq, yağni Nazarbaev modeli dep atadı. Qazir bizge Täuelsizdiktiñ jetistikterin eselep, elimizdi damudıñ jaña sapalı kezeñine şığaru mümkindigi berilip otır" , - dedi Prezident.

Memleket basşısı qazaq halqınıñ memleket qwrauşı wlt retindegi rölin bekemdeu turalı ayttı.

"Qazaq halqınıñ memleket qwrauşı wlt retindegi rölin bekemdep, etnosaralıq tatulıq pen dinaralıq tüsinistikti qalıptastıra beruimiz qajet. Bizdiñ wstanımımız: El birligi – onıñ äraluandığında!", - dedi Toqaev.

Memlekettiñ tildiñ mañızdılığı turalı da söz qozğadı.

"Qazaq tiliniñ memlekettik til retindegi röli küşeyip, wltaralıq qatınas tiline aynalatın kezeñi keledi dep esepteymin. Biraq mwnday därejege jetu üşin bärimiz dañğaza jasamay, jwmıla jwmıs jürgizuimiz kerek", - dedi memleket basşısı.

Prezident öz sözinde şikizatqa baylanğan mentalitetten bas tartatın kez kelgenin ayttı.

"Şikizatqa baylanğan mentalitetten bas tartıp, ekonomikanı ärtaraptandıru. «Bilim ekonomikası», eñbek önimdiligin arttıru, innovaciyanı damıtu, jasandı intellekti jahandıq damudıñ negizgi faktorlarına aynaldı", - dedi.

Qazaqstan halqı üşin tağı bir mañızdı mäsele jer mäselesi turalı da kesimdi sözin ayttı.

"Memleket basşısı retinde tağı da mälimdeymin: jerimiz şeteldikterge satılmaydı. Oğan jol berilmeydi. Bwl mäsele boyınşa qaueset taratudı doğaru kerek. Biraq jerdi tiimdi paydalanudı qamtamasız etu – bizdiñ mindetimiz", - dedi Prezident.

Memleket basşısı özi osığan deyin aytqanınday mwğalimderdiñ jalaqsı joğarlaytının jetkizdi.

"Men Tamız konferenciyasında aldağı tört jıl işinde mwğalimderdiñ eñbek aqısın eki ese arttırudı tapsırdım. Bwl – kelesi jıldan bastap wstazdardıñ jalaqısı 25 payızğa ösedi degen söz", - dedi Toqaev.

Abai.kz

49 pikir