مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالاۋدا.

پرەزيدەنت جولداۋىنىڭ ماتىندەرى اقوردانىڭ Twitter جەلىسىندەگى پاراقشاسىندا جاريالانۋدا.

"ەلىمىزدىڭ دامۋ جولىن بۇكىل الەم مويىنداپ، قازاقستاندىق، ياعني نازارباەۆ مودەلى دەپ اتادى. قازىر بىزگە تاۋەلسىزدىكتىڭ جەتىستىكتەرىن ەسەلەپ، ەلىمىزدى دامۋدىڭ جاڭا ساپالى كەزەڭىنە شىعارۋ مۇمكىندىگى بەرىلىپ وتىر" ، - دەدى پرەزيدەنت.

مەملەكەت باسشىسى قازاق حالقىنىڭ مەملەكەت قۇراۋشى ۇلت رەتىندەگى ءرولىن بەكەمدەۋ تۋرالى ايتتى.

"قازاق حالقىنىڭ مەملەكەت قۇراۋشى ۇلت رەتىندەگى ءرولىن بەكەمدەپ، ەتنوسارالىق تاتۋلىق پەن دىنارالىق تۇسىنىستىكتى قالىپتاستىرا بەرۋىمىز قاجەت. ءبىزدىڭ ۇستانىمىمىز: ەل بىرلىگى – ونىڭ ارالۋاندىعىندا!", - دەدى توقاەۆ.

مەملەكەتتىڭ ءتىلدىڭ ماڭىزدىلىعى تۋرالى دا ءسوز قوزعادى.

"قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى دەپ ەسەپتەيمىن. بىراق مۇنداي دارەجەگە جەتۋ ءۇشىن ءبارىمىز داڭعازا جاساماي، جۇمىلا جۇمىس جۇرگىزۋىمىز كەرەك", - دەدى مەملەكەت باسشىسى.

پرەزيدەنت ءوز سوزىندە شيكىزاتقا بايلانعان مەنتاليتەتتەن باس تارتاتىن كەز كەلگەنىن ايتتى.

"شيكىزاتقا بايلانعان مەنتاليتەتتەن باس تارتىپ، ەكونوميكانى ءارتاراپتاندىرۋ. «ءبىلىم ەكونوميكاسى»، ەڭبەك ونىمدىلىگىن ارتتىرۋ، يننوۆاتسيانى دامىتۋ، جاساندى ينتەللەكتى جاھاندىق دامۋدىڭ نەگىزگى فاكتورلارىنا اينالدى", - دەدى.

قازاقستان حالقى ءۇشىن تاعى ءبىر ماڭىزدى ماسەلە جەر ماسەلەسى تۋرالى دا كەسىمدى ءسوزىن ايتتى.

"مەملەكەت باسشىسى رەتىندە تاعى دا مالىمدەيمىن: جەرىمىز شەتەلدىكتەرگە ساتىلمايدى. وعان جول بەرىلمەيدى. بۇل ماسەلە بويىنشا قاۋەسەت تاراتۋدى دوعارۋ كەرەك. بىراق جەردى ءتيىمدى پايدالانۋدى قامتاماسىز ەتۋ – ءبىزدىڭ مىندەتىمىز", - دەدى پرەزيدەنت.

مەملەكەت باسشىسى ءوزى وسىعان دەيىن ايتقانىنداي مۇعالىمدەردىڭ جالاقسى جوعارلايتىنىن جەتكىزدى.

"مەن تامىز كونفەرەنتسياسىندا الداعى ءتورت جىل ىشىندە مۇعالىمدەردىڭ ەڭبەك اقىسىن ەكى ەسە ارتتىرۋدى تاپسىردىم. بۇل – كەلەسى جىلدان باستاپ ۇستازداردىڭ جالاقىسى 25 پايىزعا وسەدى دەگەن ءسوز", - دەدى توقاەۆ.

Abai.kz