Jeksenbi, 22 Qırküyek 2019
46 - söz 1576 3 pikir 12 Qırküyek, 2019 sağat 12:34

Qağidalar qaqtığısı nemese qwldıq qarım-qatınas

Adam balasınıñ ömir süru qağidası bolmağan soñ, onıñ mäni de bolmaydı eken...

Qağidanı qalıptastıratın Ideologiya ekenin bärimiz jaqsı bilemiz! Ideologiyanıñ özi eki türden twradı.
Birinşisi - Memlekettik ideologiya bolsa, ekinşisi-Biliktiñ ideologiyası. Memlekettik ideologiyanıñ irgetasın qalağandar - Alaş arıstarı edi.

Ökinişke oray, ol ideyanı bilik ideyasın qoldauşı ideologtar basıp, qoğamdı degredaciyağa wşıratıp jiberdi. Jağımpazdar men küni üşin jürgender biliktiñ soyılın soğıp jatır. Oğan dini ideologtar qosılıp, biliktiñ tabağındağı jilikke talasıp jatqanı jaylı BAQ tar talay jazdı!

Ideologiya degen qatıp qalğan qağida emes, zamannıñ talabına baylanıstı özgerip otıratın wğım!!! Qwldıq ideologiyamen ulanğan, qoyanjürek, qorqaq, aytqanğa basın şwlği beretin şal-şauqandar äli bilikte jür. Bwl ürdis jalğasa berse, bolaşaq bwlıñğır tartadı. Tört ayağı teñ jorğa siyaqtı örkenietti elderdiñ damuı, Memlekettik jäne wlttıq ideologiyanıñ mıqtılığınan eken.

Biraz saraptama jasap ta kördim. Japoniya, Singapur, Malayziya siyaqtı memleketter osığan bastı köñil böledi eken. Batıstıq örkenieti damığan memleketterde dinder, sonıñ işinde destruktivti dinder ideologiyası zañ aldında jauapqa tartıladı. Bizde şe?!!!

Eñ jaqsı qwl, öziniñ qwl ekenin bilmeytin qwl!!! Qwl bolmauğa tırısqan memleket qana damidı! Qwldardıñ da türi köp aq. Bilikke qwl, qwdayğa qwl, adamğa qwl, baylıqqa qwl, näpsige qwl degen siyaqtı... Racionaldı, konstruktivti, sıni oylaytın adam osı jağın saraptap aladı! Sonan soñ şeşim qabıldaydı!

Bilik ideologiyası bir adamnıñ ğana aqıldı, qalğanı aqımaq degen ideyası adamdardı şarşattı jäne iske aspaytın jobalarğa aqşa şaşu ğana ekenin adamdar tüsindi! Onda sanağa bir reforma, bir revolyuciya qajet!!!

Ärine, evolyuciyalıq jolmen damığanğa ne jetsin!!!

Sovetqazı Nwrsilanıñ facebook paraqşasınan

Abai.kz

3 pikir