Shymkent qalalyq mamandandyrylghan audanaralyq soty Erghaly Qúlybaev, Abay Nahitov jәne Núrjan Ábildaevty - 5 tәulikke, Núrjan Múhammedovti 15 tәulikke ("beybit miting ótkizu zanyn" bir jylda eki ret búzghany ýshin 15 kýndik jaza berildi) qamaugha sheshim shyghardy. Belsendiler sot sheshimimen kelispeydi. Al sot belsendilerding aiyby tolyq dәleldendi dep sanaydy.
Tórt belsendi de 25 tamyzda Shymkenttegi Abay sayabaghynda biylikke, elding eks-preziydenti Núrsúltan Nazarbaevtyng Qasym-Jomart Toqaevty ornyna qoyghanyna qarsylyq bildirgen. Búghan qosa, belsendiler biylikten «sayasy tútqyndardy» týrmeden bosatudy talap etken. Osy miting ýshin qamalghan tórt belsendi 15 tamyzda Shymkent qalasy әkimdiginen narazylyq aksiyasyn ótkizuge ótinish jazghanymen, jergilikti biylik rúqsat bermegen.
Al Aqtóbede Berik Noghaev – 5 tәulikke, Jaqyp Abylazyúly 3 tәulikke qamaldy. Olar da "beybit miting ótkizu erejesin búzdy" dep aiyptaldy. Ekeui de qyrkýiekting basynda "Qazaqstandaghy Qytay jobalaryna" qarsy narazylyq sharasyna qatysqan.
Aqtóbelik belsendilerding biri Álibek Moldinning aituynsha, polisiya Berik Noghaevty 17 qyrkýiek kýni Aqtóbedegi gazben jabdyqtau mekemesine jeke sharuasymen bara jatqan jerinen ústap әketken.
Al Núr-Súltandaghy mamandandandyrylghan audanarlyq әkimshilik soty jas belsendi Altyn Bazarbaydy on tәulikke qamady. Onyng advokaty Oliga Enn sot qaulysymen kelispey, apellyasiyalyq aryz jazghandaryn aitty. Bazarbay 3 qyrkýiekte "Bәiterek" monumenti aldynda "Qytay jobalaryna qarsy" aksiyagha qatysqan. Sot belsendi "beybit miting ótkizu zanyn búzdy" dep tanydy.
Sonday-aq Núr-Súltan soty 60 jastaghy Ásiya Kәrimovagha 50 ailyq eseptik kórsetkish (126 myng tenge) kóleminde aiyppúl saldy. Kәrimovanyng aituynsha, ol 10 qyrkýiekte "Bәiterek" monumenti janynda on jyldan beri qamauda otyrghan "Qazatomónerkәsip" últtyq kompaniyasynyng búrynghy preziydenti Múhtar Jәkishevti bosatudy talap etken.
16-18 qyrkýiekte Almaty men Núr-Súltanda da birneshe belsendi "beybit miting ótkizu zanyn búzdy" dep aiyptalyp, 10-15 tәulikke qamalghan. Olardyng kóbi 4-5 qyrkýiekte ótken "Qytaydyng jobalaryna qarsy" narazylyq sharasyna qatysqan.
Al "Qaharman" qúqyq qorghaushylar qozghalysy belsendilerding ústaluyn elde ekstremistik úiym dep tanylghan "Qazaqstannyng demokratiyalyq tandauy" qozghalysynyng aldaghy kýnge josparlaghan narazylyq sharasymen baylanystyrady.
Abai.kz
