Jwma, 3 Säuir 2020
COVID-19 QAZAQSTANDA. Jwqtırğandar — 453. Jazılğandar — 29. Qaytıs bolğandar — 3
Jauap 2515 6 pikir 7 Qazan, 2019 sağat 14:23

QMDB resmi jauap: Bireudiñ oqıp twrğan namazın bwzu dwrıs pa?

Ötkendegi "Asıl arna" telearnasınıñ direktorı Mwhamedjan Tazabektiñ qoğamdıq lekciyalarınıñ montajdalğan nwsqası äleumettik jelige tarap, el-jwrt älgi videoda aytılğan äñgimeni äjeptäuir talqı jasadı. Äsirese, arab saqşılarına mwsılmandardıñ qasietti ornı sanalatın Qağbada, jwrttıñ jolında twrıp namaz oqığan adamğa birneşe märte eskertu jasap namazın böluge, oğan könbese qwyrığınan teuip toqtatuğa rwqsat etilgen degen auandağı sözder el arasında ärtürli pikir tuğızdı.

Qwdayğa qwlşılıq jasap twrğan adamnıñ namazın bwzuğa bola ma? Qasietti Qağbanıñ özinde namazhandı tebuge rwqsat berilse, onda özge meşitterde qalay? Bwl qanşalıqtı şariğat şeñberine sıyımdı äñgime?

Biz Qazaqstan Mwsılmandarı Dini basqarmasına habarlasıp, pikir swradıq. Bizge QMDB Pätua jäne şariğat bölimi meñgeruşisiniñ orınbasarı Hasan Amanqwlov jauap berdi.

Hasan Amanqwlov, QMDB ökili:

- Şariğat boyınşa bastağan namazdı soñına deyin oqıp bitiru mindet. Al sebepsiz öziniñ namazın bwzu nemese bireudiñ oqıp twrğan namazına kedergi jasau haram, yağni künä bolıp sanaladı. Mwsılman adam mwnday äreketke barmauı tiis.

Islamnıñ alğaşqı jıldarında mwsılmandar dinin jasırın wstauğa mäjbür bolğan. Mwsılman boluğa, namaz oquğa din dwşpandarı (käpirler) köp kedergi jasağan. Tipti, Qağbağa baratın jolğa tiken tastap, Payğambarımızdı (oğan Allanıñ salauatı men sälemi bolsın) namaz oqudan tosatın, säjdede jatqanda üstinen tüyeniñ qarın işekterin tastap qorlaytın.

Qazirgi tañda jılda milliondağan adam qajılıqqa baradı. Mağan da biıl Alla Tağala qasietti Mekkege barıp, qajılıq ğibadatın atqarıp keludi näsip etti. Sol jerde tärtipke qaraytın arnayı saqşılar (policiya) qızmet etedi eken. Qağbanıñ aynalasında, äsirese, däl qara tastıñ janında keptelistiñ boluı, adamdar jüretin jolda keybireuler namaz oqıp twrıp aluı, odan basqa birin-biri türtip, alısıp jatuı köp qiındıq tuğızadı eken.

Solay bolsa da, saqşılardıñ qajılarğa qabaq şıtqanın bayqamadım. Qayta qwlasa, jerden twrğızıp, qajılardı salqındatu üşin üstilerinen su seuip, jol swrağanğa jılı şıraymen jolın aytıp, qanşa tärtip bwzsa da, oğan sabırlıqpen tüsindirip, eskertip jatqandığın kördim. Tipti, mınanday bir jağday boldı. Qağbanı täuap etip bolğan soñ şetke şığıp eki rakağat namaz oqu bar. Sonda qajılardıñ biri saqşılardıñ eskertuine qaramay, tärtipke bağınbay, tura jolğa twrıp alıp namazın bastap ketti. Sonda da, saqşı sol adamdı namazı bitkenge deyin kütip twrdı. Namazın ayaqtağan soñ ädeppen bılay jasauğa bolmaytının ayttı.

Alla Tağala barşamızğa bir-birimizge meyirimdi boludı jazsın!

Abai.kz

6 pikir