Jwma, 22 Qaraşa 2019
Sañlaq 4260 8 pikir 10 Qazan, 2019 sağat 13:03

Qazaq sportınıñ qojası - ministrler men millionerler

Qazaqstan boks federaciyasınıñ jıldıq konferenciyasında Timur Qwlıbaev atalğan wyımnıñ basşısı qızmetinen ketetinin mälimdedi.

Timur Qwlıbaev boks federaciyasın ğana emes Wlttıq Olimpiada komitetin de basqarıp otır. Sondıqtan, WOK qwramına kiretin olimpiadalıq sport türlerine byudjet qarjısın bölude tizgindi teñ wstau üşin federaciya basşısı qızmetinen ketken körinedi.

Timur Asqarwlı boks federaciyasın 2009 jıldan beri basqarıp keldi. Al Wlttıq Olimpiada komitetin 2015 jıldıñ qırküyeginde qolğa alğan. Biıl qırküyekte bwl qızmetke tört jıldıq merzimge qayta saylanğan.

Timur Qwlıbaevtıñ bwdan bölek QR Su sportı federaciyasınıñ prezidenti degen de lauazımı bar edi. Bwl federaciyanı 2016 jıldıñ qazan ayınınan beri basqarıp jürgen. Endi bwl wyımdı bwrınğı bas hatşısı Andrey Kryukov basqaradı.

«Özderiñiz bilesizder, meni Qazaqstan Wlttıq Olimpiada komitetiniñ prezidenti qızmetine qayta tağayındadı. Sport turalı qabıldanğan zañdağı özgeristerge säykes, WOK byudjet qarjısın olimpiadalıq sport türleri arasında saralauğa säykes ülestiredi. Bwl jwmıs bir jıldan beri iske asuda, sol sebepti, taraptardıñ kikiljiñge kelmeuin oylap, Qazaqstan boks federaciyasınıñ prezidenti qızmetinen ketu turalı şeşim qabıldadım», - dedi Timur Qwlıbaev.

Qazaqstan boks federaciyasınıñ prezidenti qızmetine bwğan deyin halıqaralıq baylanıstar jönindegi vice-prezident mindetin atqarğan Keñes Raqışev tağayındaldı. Onı bwrınğı prezident Qwlıbaevtıñ özi wsınğan eken.

Qazaqstandağı 7-şi bay Keñes Raqışev

Al otandıq bokstı damıtudağı eñbegin eskergen atqaruşı komitet müşeleri Timur Qwlıbaevtıñ özin federaciyanıñ qwrmetti prezidenti etip sayladı.

Ayta keteyik, Timur Qwlıbaevtıñ basşılığımen qazaqstandıq boksşılar Londondağı Olimpiada oyındarında bir altın, bir kümis jäne eki qola, 2016 jılğı Braziliya oyındarında bir altın, eki kümis jäne eki qola jeñip aldı.

Qazaqstanda sport federaciyaların äkim-qaralar men ministr-millionerler basqaru ädetke aynalğan. Qwlıbaevtan bölek prem'er Asqar Maminnen tartıp birqanşa ministrler, äkimder sport federaciyalarınıñ tizginin wstap otır. Atap aytqanda:

Pohojee izobrajenie

QR Hokkey federaciyasınıñ prezidenti - prem'er ministr Asqar Mamin;

Pohojee izobrajenie

Qazaq küresi federaciyasınıñ prezidenti - aqparat jäne qoğamdıq damu ministri Däuren Abaev;

Pohojee izobrajenie

QR dzyudo federaciyasınıñ prezidenti - Bas prokurorı Qayrat Qojamjarov;

Kartinki po zaprosu Kärim Mäsimov

Jauıngerlik öner associaciyasınıñ prezidenti - WQK törağası Kärim Mäsimov;

Pohojee izobrajenie

QR futbol federaciyasınıñ prezidenti - Qazaqstan Respublikası Prezidenti Äkimşiliginiñ bwrınğı Basşısı (bıltır zeynetke şıqtı) Ädilbek Jaqsıbekov;

Kartinki po zaprosu Danial Ahmetov

QR jeñil atletika federaciyasınıñ prezidenti - Şığıs Qazaqstan oblısınıñ äkimi Danial Ahmetov.

Bwlardan bölek, QR auır atletika federaciyasın basqarıp otırğan Janat Tüsipbekov, QR tennis federaciyasınıñ prezidenti Bolat Ötemwratov, QR küres federaciyasınıñ basşısı Sauat Mıñbaev mırzalardıñ da sportqa qarağanda bilik pen bizneske jaqın ekenin jwrtşılıq jaqsı biledi. Tipti küni keşe ğana Timur Qwlıbaevtıñ ornına boks federaciyasınıñ basşılığına kelgen Keñes Raqışev ta elge belgili biznesmen.

Endi swraq, sportqa üş qaynasa sorpası qosılmaytın osı basşılar özi basqarıp otırğan federaciyanıñ damuı üşin üles qosa alma ma? Mısal üşin aytayıq, ömiri jwmsaq kresloda otırıp kele jatqan Danial Ahmetovtı jeñil atletika salası üşin taptırmas maman deu qiın. Sol sekildi Ädilbek Jaqsıbekovtiñ da alğan bilimi men eñbek jolı futbolğa mülde qatıssız.

Däl osı ayuğa qoy baqtıratın qılığımız qazaq sportınıñ damuına twsau bolıp keledi. Bwğan qosa, sport salasındağı jeñ wşınan jalğasqan jemqorlıqqa da osı ministr-millionerlerdiñ jauapkerşiligi bar. Sporttı qosımşa käsibine (tabıs közine) aynaldırğan şendilerdiñ federaciyanıñ suımen kirip, otımen şığuğa ıntası da, uaqıtı da joq ekeni sözsiz.

Sol üşin sport federaciyaların är salanıñ öz mamanı basqarsa oñ bolar edi. Käsiptik maman öz isin jaqsı biledi. Bwğan qosa, öziniñ süyikti käsibine janaşırlıq tanıtatını tağı bar.

Quanış Qappas

Abai.kz

8 pikir