Seysenbi, 31 Naurız 2020
El işi... 1108 6 pikir 15 Qazan, 2019 sağat 12:48

Sıroejkin endi Qazaqstan azamatı emes

"Memleketke opasızdıq jasadı" dep ayıptalğan sayasattanuşı Konstantin Sıroejkin Qazaqstan azamattığınan ayırıldı. Bwl turalı Almatı qalalıq sotı habarladı. Sıroejkin 175-baptıñ, 1-bölimi boyınşa ayıp tağılıp, 10 jılğa bas bostandığınan ayırılğan bolatın. Sayasattanuşı endi jazasın ötep bolğannan keyin elden şığarılmaq.

Alayda, bwl ükim äli küşine engen joq. Sondıqtan sayasattanuşınıñ qorğauşıları onıñ kinäsiz ekenin däleldeu üşin joğarı instanciya sottarına jüginui mümkin. Al, Almatı qalası mamandandırılğan audanaralıq qılmıstıq ister jönindegi sotınıñ ükimine säykes, Konstantin Sıroejkin on jılğa sottalıp, Qazaqstan Respublikası azamattığınan ayırıldı. Jäne, Almatı qalalıq sotınıñ resmi habarlamasında "Ol qauipsizdigi joğarı qılmıstıq-atqaru jüyesi mekemesinde jazasın öteydi", - delingen.

Sonımen qatar, ğalım jazasın ötegennen keyin, Qılmıstıq kodekstiñ 51-babına säykes, mäjbürli türde elden şığarıladı. Oğan bes jıl boyı Qazaqstan aumağına kiruge tıyım salınadı.

Ayta keteyik, Konstantin Sıroejkin – sayasattanuşı, şığıstanuşı, tarih ğılımdarınıñ kandidatı, sayasi ğılımdar doktorı, professor. Ol 2019 jıldıñ aqpanında "memleketke opasızdıq jasadı" degen ayıppen qamauğa alındı. Amerikalıq Wall Street Journal gazeti 10 şildede derekközderine silteme jasap, «Sıroejkin aqşalay sıyaqığa Qıtayğa qwpiya qwjat satuı mümkin» degen aqparat taratqan. Wall Street Journal Qıtay biliginiñ Sıroejkin isin «joqtan bar jasau» dep sipattağanın eskertken. Basılım Sıroejkinniñ qazirgi prezident Qasım-Jomart Toqaev prem'er-ministr bolıp twrğanda Qıtay mäselesi boyınşa keñesşisi bolğanına da nazar audarğan.

Abai.kz

6 pikir