Düysenbi, 18 Qaraşa 2019
Ädebiet 2727 2 pikir 17 Qazan, 2019 sağat 09:33

Olga Tokarcuk. Ortalıq Europada demokratiyanıñ qwnı tüsip ketti

Olga Tokarcukti Şved akademiyası «2018 jılğı Nobel' ädebiet sıylığınıñ iegeri» dep jariyalağannan keyin 15 minut ötkende Nobel' akademiyasınıñ mediya qızmetkeri Adam Smis telefon arqılı jedel swhbat ötkizdi. Ol osı swhbat barısında atalğan ädebi sıylıqtıñ öz ömiri üşin mañızdı ekeni, bwl jañalıqtı estigende Germaniyada kitap körmesinde jürgenin, Ortalıq Europadağı «demokratiyalıq dağdarıs» turalı alañdaytındarğa osı ädebi sıylıqtıñ ümit wşqını ekenin aytadı.

Olga Tokarcuk. Ortalıq Europada demokratiyanıñ qwnı tüsip ketti

– Sälemetsiz be!

– Sälemetsiz be! Esimim Adam Smis, Nobel' mediyasınan qabarlasıp twrmın. Ädebiet salasındağı eñ ülken sıylıqtı enşileuiñzben qwttıqtaymın!

– Rahmet! Men qazir sırtta saparda jürmin.

– Bwl jañalıqtı qalay estidiñiz?

– Öte qızıq jağday boldı, men däl qazir Germaniyada jürmin. Nobel' akademiyasınıñ qızmetkerleri 15 minut bwrın mağan telefon şalıp, Nobel' ädebiet sıylığın alğanımdı ayttı. Sol sättegi quanışımdı aytıp sözben jetkize almaymın. Şınımdı aytsam, qattı tolqıp twrmın. Däl osı sättegi tebirengen köñil-küyime qanday teñeu tabarımdı da bile almay otırmın. Bwl men üşin tosın äri ülken jañalıq boldı. Älemniñ är qiırınan mıñdağan telefondar men qwttıqtağan hattar kelip jatır. Sol üşin saparımdı doğarıp, bir jerge ornığıp alayın dep oyladım. Mümin qonaqüyge nemese basqa bir jaylı jerge.

– Ärine, mwnday jañalıqtı, jan-jaqtan jetken qwttıqtaulardı jol jağasında twrıp qabıldau da oñay emes ekenin tüsinemin.

– Iä, dwrıs aytasız.

– Şved akademiyası «Ömir forması retinde şekaralardı kesip ötu» turalı aytıp edi, sizdiñ däl qazirgi sätiñiz osı sipattamanı eske tüsiredi...

– Ädebi jağınan oylasaq, şınında say keletin siyaqtı.

– Dauısıñızdan quanıştıñ lebi esip twrğanday...

– Ärine, mwndayda quanudıñ özi baqıt emes pe! Onıñ üsitine men Petr Handkemen birge älemdik alpauıt sıylıqtıñ sahnasına köteriletin bolamın. Ol ekeumizde ortalıq Europalıqpız, bwnı tarihi jağday deuge boladı. Nobel' sıylığı ortalıq Europağa moynın bwrdı. Bwl jağdaydı jaqsılıqqa balau kerek.

– Ortalıq Europa ädebieti Batıs Europa ädebietimen salıstırğanda nesimen erekşelenedi?

– Bwl turalı köp aytuğa boladı. Biraq meniñ oyımşa, qazir Ortalıq Europada demokratiyanıñ qwnı tüsip ketti. Sol üşin biz öz jolımızdı tabuğa, bizdiñ qoğam döp kelegen bwl mäselege şeşim izdeuge wmtılıs jasap kelemiz. Mwnday ädebi sıylıq qanday da bir jolmen älemge jariya etuge bolatın mäselelerdi aytuğa mümkindik beredi dep oylaymın. Biz özimizdiñ äli de belsendi ekendigimizdi, äli de öz şındıqtarımızdı jahanğa jariya etu qabiletimiz bar ekenin, älemge tüsinikti bir närse ayta alatınımızdı sezemiz. Sondıqtan osı ädebi sıylıq meniñ ömirim üşin öte mañızdı bolmaq. Bizdiñ qoğamdağı keleñsiz jağdaydan keyin men Nobel' sıylığınıñ jaña akademiyası tağayındağan alğaşqı Nobel' ädebiet sıylığınıñ iegerimin.

– Tağı da qwttı bolsın aytamın. Jeltoqsan ayında Stokgol'mda kezdeskenşe kün jaqsı bolğay!

Swhbattasqan: Adam Smis

Ağılşın tilinen audarğan: Düysenäli Älimaqın

Abai.kz

2 pikir