Ақордада кландар арасында соғыс жүріп жатыр дегеніміз артықтау шығар. Саяси бәсекенің классикалық формасы демократиялы елдерде болады. Бір партия екінші партияны ығыстырып шығаруы, бір-бірінің кемшілігін іздеуі, лидерлерінің бәсекеге түсуі деген секілді.

Ал, біздегі болып жатқан процестер сайлау аяқталғаннан кейін 3-4 жылдан бері жоспарланған бағытпен Елбасының қолына билікті қайта жинақтап жатқан әрекеттердің көрінісі. 30 жыл бір жүйемен өмір сүрген ел қазір Елбасының сайланбай өмір бойы мемлекетті басқаратын жаңа жүйе құрып жатқанын кландар арасындағы соғыс деп жүр. Ол жоқ бізде. Соғыс болса да Елбасы мүддесі үшін болады.

Әзірге денсаулығы бар кезде соғыс емес, тайфун, ураган, катастрофа болса да Елбасының мүддесі үшін болады. Соның пайдасына шешіледі. Тарихшылар, ақындар, жазушылар, журналистер бәрің жабылып халыққа босқа үміт бермеңіздерші.

Бауыржан Серікбайдың facebook парақшасынан

Abai.kz