Абай Құнанбайұлының 175 жылдық мерейтойына орай 2020 жылы әлемнің бірқанша елінің астанасында ұлы ақынның ескерткіші орнатылмақ.

Бұл туралы ҚР Сыртқы істер министрлігі баспасөз қызметі хабарлады.

Рсеми ақпаратқа сүйенсек, һәкім Абайдың 175 жылдық мерейтойы қарасаңында Аустрия, Италия, Германия, Болгария, Ресей, Грузия, Үндістан, Латвия, Моңғолияның бас қалаларында қазақтың ұлы ақынының ескерткішін орнату мәселесін қолға алған.

«Осы ретте Қазақстанның Ресейдегі елшілігі 2006 жылы Мәскеу қаласында ашылған Абай ескерткішін заман талабына сай өзгертіп, жаңа үлгіде қайта жасап орнату туралы ұсыныс енгізіп жатыр. Мәдениет және спорт министрлігі мен Шығыс Қазақстан облысы әкімдігі шетелдерде ұлы ақынның 8 ескерткішін орнатуға атсалысуын сұраймыз», – делінген министрлік ақпаратында.

Abai.kz