اباي قۇنانبايۇلىنىڭ 175 جىلدىق مەرەيتويىنا وراي 2020 جىلى الەمنىڭ بىرقانشا ەلىنىڭ استاناسىندا ۇلى اقىننىڭ ەسكەرتكىشى ورناتىلماق.

بۇل تۋرالى قر سىرتقى ىستەر مينيسترلىگى ءباسپاسوز قىزمەتى حابارلادى.

رسەمي اقپاراتقا سۇيەنسەك، ھاكىم ابايدىڭ 175 جىلدىق مەرەيتويى قاراساڭىندا اۋستريا، يتاليا، گەرمانيا، بولگاريا، رەسەي، گرۋزيا، ءۇندىستان، لاتۆيا، موڭعوليانىڭ باس قالالارىندا قازاقتىڭ ۇلى اقىنىنىڭ ەسكەرتكىشىن ورناتۋ ماسەلەسىن قولعا العان.

«وسى رەتتە قازاقستاننىڭ رەسەيدەگى ەلشىلىگى 2006 جىلى ماسكەۋ قالاسىندا اشىلعان اباي ەسكەرتكىشىن زامان تالابىنا ساي وزگەرتىپ، جاڭا ۇلگىدە قايتا جاساپ ورناتۋ تۋرالى ۇسىنىس ەنگىزىپ جاتىر. مادەنيەت جانە سپورت مينيسترلىگى مەن شىعىس قازاقستان وبلىسى اكىمدىگى شەتەلدەردە ۇلى اقىننىڭ 8 ەسكەرتكىشىن ورناتۋعا اتسالىسۋىن سۇرايمىز»، – دەلىنگەن مينيسترلىك اقپاراتىندا.

Abai.kz