Құжатқа сәйкес, егер ақпарат таратқаны үшін шет мемлекеттерден және олардың мемлекеттік органдарынан немесе халықаралық ұйымдардан қаражат және басқа да мүлік алатын адам "шетел агенті" болып табылады. Бұл заң жобасының сонымен бірге шетелдік БАҚ-қа да қатысы болмақ.

"Шетелдік агенттер жөніндегі" заң Ресейде 2012 жылы қабылданған. Басында бұл тізімге шетелден грант алатын үкіметтік емес ұйымдар ғана кірген.

Қазір бұл тізімге 150-ден астам коммерциялық емес ұйымдарды енгізді. Арасында Азат Еуропа /Азаттық радиосының орыс қызметі мен "Настоящее время" телеканалы да бар.

Өткен айда елдің әділет министрлігі оппозициялық саясаткер Алексей Навальныйдың Коррупциямен күрес қорын "шетел агенті" тізіміне енгізді.

Abai.kz