Марат Тәжин Қазақстанның Чехиядағы елшісі болып тағайындалды. Бұл туралы Ақорданың баспасөз қызметі хабарлады.

"Мемлекет басшысының Жарлығымен Марат Мұханбетқазыұлы Тәжин Қазақстан Республикасының Чех Республикасындағы Төтенше және Өкілетті Елшісі қызметіне тағайындалды", - делінген хабарламада.

Марат Тәжин 1960 жылы 8-ші сәуір күні Ақтөбе қаласында дүниеге келген. 1981 жылы Алматы халық шаруашылығы институтын экономист мамандығы бойынша бітірген. Әлеуметтану ғылымдарының докторы.

1999-2001 жылдары ҚР президентінің қауіпсіздік мәселелері бойынша көмекшісі, Қауіпсіздік кеңесінің хатшысы, 2001 жылы Ұлттық қауіпсіздік комитетінің төрағасы, 2007-2009 жылдары Сыртқы істер министрі, 2014-2017 жылдары ҚР Ресей Федерациясындағы елшісі болған. 2019 жылдың наурызынан қыркүйегіне дейін Мемлекеттік хатшы қызметін атқарған. Кейіннен оның орнына Қырымбек Көшербаев келген.

Abai.kz