Сәрсенбі, 3 Маусым 2020
COVID-19 ҚАЗАҚСТАНДА. Жұқтырғандар — 11796. Жазылғандар — 6240. Қайтыс болғандар — 44
Жаңалықтар 2046 0 пікір 21 Қаңтар, 2020 сағат 11:49

Ошта "қазақ" қылмыстық тобының мүшесі бір айға абақтыға қамалды

Ош қалалық соты ұйымдасқан қылмыстық топ мүшесі Омар Маратовты қамауға алу туралы шешім шығарды. Қазақ лақап атымен танымал Маратов 17 ақпанға дейін тергеу абақтысында отырады.

Маратов 17 қаңтарда Ош басшысы Айтмат Кабырбаевтың туысы Ұлан Райымбековті ұруға қатысы бар деген күдікпен ұсталды.

Райымбеков Маратовқа ешқандай талабы жоқ екені туралы өтініш жазған. Дегенмен милиция бұл жағдайда күдікті жауаптан босатылмайды деп отыр.

11 қаңтарда Ошта соққыға жығылған Ұлан Райымбеков қазір ауруханада жатыр. Оның жағы сынған.

Маратов бұған дейін "тонау", "қарақшылық" баптарымен сотталған. 2019 жылы қазанда ол кәмелет жасқа толмаған қызды зорлады деген күдікпен ұсталды. Бірақ 8 қаңтарда сот оны үйқамаққа шығару туралы шешім қабылдады.

Abai.kz

0 пікір