Заң осыған дейін премьер-министр Борис Джонсон мен Еуроодақ лидерлері арасындағы келісімге негізделген. Бұл келісімді әлі 29 қаңтарда Еуропарламент мақұлдауы тиіс. ЕО елдерінің көбі Брекзитті қолдамайтынын, бірақ құжатқа кедергі келтірмей мақұлдайтынын жеткізіп жатыр.

Ұлыбритания ЕО-дан Брекзит туралы референдум өткен үш жылдан соң барып кетіп жатыр. Брекзит мерзімі үш рет кейінге шегерілді. Себебі британ парламенті ЕО-мен келісімді мақұлдаудан бас тартты. Былтыр премьер болған Борис Джонсон ЕО-мен жаңа келісімге келіп, мерзімінен бұрын парламент сайлауын өткізуге мүмкіндік алды. Нәтижесінде консерваторлар жеңіске жетті. Олар заң жобасын еш кедергісіз қолдады.

Британия ЕО-дан шыққаннан кейін өтпелі кезең басталып, ол 2020 жылдың 31 желтоқсанына дейін жалғасады. Оған дейін Британия Еуропа елдерімен жаңа сауда келісімін жасауы тиіс.

Abai.kz