ҚР Бас мемлекеттік санитарлық дәрігері Жандарбек Бекшин коронавирус Қазақстанда жақын күндері пайда болуы мүмкін екенін айтты.

«Біздің болжамымыз бойынша, 11-16 наурыз аралығында бізде коронавирус болуы мүмкін. Плюс немесе минус бір апта. Біз жағдайды сараптап, болжам жасаймыз. Болжам - бұл нақтылық емес, ол сәйкес келмеуі де мүмкін,- деді Жандарбек Бекшин.

Бас санитардың айтуынша, ғалымдар математикалық модельдеуді қолдана отырып, жағдайды болжаумен айналысады. Сондай-ақ, Қазақстанда коронавирус тіркелген жағдайда бірден арнайы іс-шаралар жүргізіледі.

Ал, ҚР Денсаулық сақтау министрлігі Қазақстанда барлық қажетті дәрі - дәрмектер мен терапияға арналған құралдар бар екенін, оған қоса, жұқпалы ауру жұқтырған адамдарды оқшаулауға арналған орындар дайындалғанын хабарлаған.

Abai.kz