قر باس مەملەكەتتىك سانيتارلىق دارىگەرى جانداربەك بەكشين كوروناۆيرۋس قازاقستاندا جاقىن كۇندەرى پايدا بولۋى مۇمكىن ەكەنىن ايتتى.

«ءبىزدىڭ بولجامىمىز بويىنشا، 11-16 ناۋرىز ارالىعىندا بىزدە كوروناۆيرۋس بولۋى مۇمكىن. پليۋس نەمەسە مينۋس ءبىر اپتا. ءبىز جاعدايدى ساراپتاپ، بولجام جاسايمىز. بولجام - بۇل ناقتىلىق ەمەس، ول سايكەس كەلمەۋى دە مۇمكىن،- دەدى جانداربەك بەكشين.

باس سانيتاردىڭ ايتۋىنشا، عالىمدار ماتەماتيكالىق مودەلدەۋدى قولدانا وتىرىپ، جاعدايدى بولجاۋمەن اينالىسادى. سونداي-اق، قازاقستاندا كوروناۆيرۋس تىركەلگەن جاعدايدا بىردەن ارنايى ءىس-شارالار جۇرگىزىلەدى.

ال، قر دەنساۋلىق ساقتاۋ مينيسترلىگى قازاقستاندا بارلىق قاجەتتى ءدارى - دارمەكتەر مەن تەراپياعا ارنالعان قۇرالدار بار ەكەنىن، وعان قوسا، جۇقپالى اۋرۋ جۇقتىرعان ادامداردى وقشاۋلاۋعا ارنالعان ورىندار دايىندالعانىن حابارلاعان.

Abai.kz