Түркиядан оралған студенттерді карантинге Атырау қаласына орналастырған.

Әуелі студенттерді жергілікті жатақханаларда ұстаған, одан соң жаңадан тұрғызылған үйлердегі бос пәтерлерге ауыстырған. Ата-аналар балалардың жағдайын ойлап, алаңдап отыр.

"Бос, суық пәтерлер. Балаларды сол жерде бір тәулік ұстады. Сыртынан жауып кетті. Олар қатты жаурады, суықтан түнде ұйықтай алмады", - деді шымкенттік студенттің анасы Назым Азимова.

Студенттердің бірқатары карантиндегі жағдайды видеоға түсірген.

Түркиядан эвакуацияланған 25 студентпен бірге туристер де ұшып келген. Жолаушылардың бірінің температурасы жоғары екені анықталған. Бірақ студенттер мен туристер бір жатақханада тұрған.

Елге оралған кезде алынған анализдерде коронавирус анықталмаған. Бірақ екі аптадан соң үш адамның коронавирус жұқтырғаны белгілі болды.

"Екі аптадан кейін алынған анализ үш адамның ауру жұқтырғанын анықтады. Сол себепті біз олардың карантиндегі мерзімін тағы 14 күнге создық", - деді Атырау облысы әкімшілігінің баспасөз хатшысы Ержан Қалымбайұлы.

Қала билігі карантиндегі студенттерді суық пәтерлерден жергілікті шипажайға көшіргенін хабарлады.

Abai.kz