Әлеуметтік желіде Bentley, Mercedes және Cadillac сынды қымбат көлік мінгендер тойға бару үшін Алматыдағы блокпосттан өткені бейнеленген видео жарияланды. Қалаға қатаң карантин енгізілгеніне бірнеше апта болды. Қалаға кіріп-шығу үшін арнайы рұқсат керек.

Кейінірек блокпосттан кедергісіз өткен адамдардың Алматы облысы жол полициясы бастығының туыстары деген ақпарат пайда болды. Полиция мұндай мәліметті жалған деп атады.

21 сәуірде Қазақстанның ішкі істер министрі Ерлан Тұрғұмбаев жиналыста бұл оқиғаны сынап, "төтенше жағдай ережесін бұзғандарды қатаң жазалауды" тапсырған.

Содан кейін ғана блокпосттан заңсыз өткендер ұсталып, әкімшілік жазаға тартылды. Кортеждегі тағы екі адамға іздеу жарияланды, төрт қымбат автокөлік айыппұл тұрағына қойылды.

Abai.kz