Сенбі, 11 Шілде 2020
COVID-19 ҚАЗАҚСТАНДА. Жұқтырғандар — 56455. Жазылғандар — 32500. Қайтыс болғандар — 264
516 0 пікір 29 Мамыр, 2020 сағат 12:03

ЕО сарапшылары шекара жабудан тиімділік көріп тұрған жоқ

Аурулардың алдын алу және бақылау бойынша Еуропа орталығы коронавирус инфекциясының таралуына қарсы күресу үшін шекараларды жабудың нәтижелігінен күмән келтіреді.

Орталықтың сарапшылары шекаралардың жабылуы экономикаға теріс әсерін тигізіп, ал эпидемияның жайылуын тек біраз уақытқа кейінге шегерді деп санайды.

Орталықтың бұл мәлімдемесі Еуропа одағына мүше елдердің шекараларын қайта ашу мәселесін талқылап жатқан кезде жарияланды.

Сәуірде Еуропалық комиссия вирус жұқтырып алу тәуекелі жоғары болған елдер арасына енгізілген шектеуді жеңілдетуді ұсынған.

Сейсенбі күні Испания Еуропалық одаққа мүше елдерді Шенген аймағындағы шекараларды ашу үшін арнайы ережелер әзірлеуге шақырған.

Германия билігі 15 маусымнан кейін Еуропаның 31 еліне баруға енгізілген шектеуді алып тастауды жоспарлап жатқанын жеткізген. Чехия мен Дания болса бірқатар шекара бекеттеріндегі бақылауды жеңілдететінін білдірген.

Abai.kz

0 пікір