Сенбі, 8 Тамыз 2020
COVID-19 ҚАЗАҚСТАНДА. Жұқтырғандар — 97829. Жазылғандар — 71609. Қайтыс болғандар — 1058
927 0 пікір 2 Шілде, 2020 сағат 11:42

Рухани жаңғыру: Алматы облысында 15 мыңға жуық шара ұйымдастырылған 

Үш жыл ішінде Алматы облысының «Рухани Жаңғыру» жобалық кеңсесі ҚР Тұңғыш Президенті - Елбасы Нұрсұлтан Назарбаевтың тапсырмаларын жүзеге асыру саласындағы негізгі буындардың бірі болып келеді. Жобалық кеңсенің тәжірибесі аз, алайда, дамуы мен өсуі, тың дүниелерді үнемі іздеу және сынақтан өткізу кеңсенің  негізгі бағыты. 

«Болашаққа бағдар: рухани жаңғыру» бағдарламалық мақаласы жарияланған жылы Талдықорған қаласында «Рухани жаңғыру» орталығы ашылды. Соңғы 3 жылда өңірде бағдарлама аясында 15 мыңға жуық жоба мен іс-шаралар ұйымдастырылды. Ол шараларға 1 миллионнан астам адам қатысты.

Қазір еліміздегі жағдайға қарамастан, жобалық кеңсе өз жобаларын жүзеге асыруды жалғастыруда. 

«Төтенше жағдай кезінде біз онлайн конкурстар өткіздік, мысалы, әлеуметтік желілерде челлендж #Менің7атам іске қосылды. Instagram және Facebook әлеуметтік желілерін пайдаланушылар белсенді қолдады. Сондай-ақ, ұлттық бірегейлікті сақтау мақсатында, дәстүрлі тағам дайындау арқылы «Ұлы Даланың ежелгі өнер және технологиялар мұражайы» арнайы жобасы челленджі ұйымдастырлоды», - дейді, мекеме басшысы Дана Дүйсенова.

Жыл соңына дейін ұлттық құндылықтарды дәріптейтін «Тұғырлы туым»  халықаралық форумы, «Жетісу Арба Бәйгесі – 2020» турнирі, «IQ дода» интеллектуалдық жарысы, «Алтын сақа» ұлттық ойыны бойынша облыстық спартакиаданы, «Шөген» республикалық турнирін, Қазақстан балалар кинофестивалін өткізу жоспарда бар. 

Айман Асыл 

Abai.kz

0 пікір