سەنبى, 8 تامىز 2020
COVID-19 قازاقستاندا. جۇقتىرعاندار — 96922. جازىلعاندار — 70680. قايتىس بولعاندار — 1058
924 0 پىكىر 2 شىلدە, 2020 ساعات 11:42

رۋحاني جاڭعىرۋ: الماتى وبلىسىندا 15 مىڭعا جۋىق شارا ۇيىمداستىرىلعان 

ءۇش جىل ىشىندە الماتى وبلىسىنىڭ «رۋحاني جاڭعىرۋ» جوبالىق كەڭسەسى قر تۇڭعىش پرەزيدەنتى - ەلباسى نۇرسۇلتان نازارباەۆتىڭ تاپسىرمالارىن جۇزەگە اسىرۋ سالاسىنداعى نەگىزگى بۋىنداردىڭ ءبىرى بولىپ كەلەدى. جوبالىق كەڭسەنىڭ تاجىريبەسى از، الايدا، دامۋى مەن ءوسۋى، تىڭ دۇنيەلەردى ۇنەمى ىزدەۋ جانە سىناقتان وتكىزۋ كەڭسەنىڭ  نەگىزگى باعىتى. 

«بولاشاققا باعدار: رۋحاني جاڭعىرۋ» باعدارلامالىق ماقالاسى جاريالانعان جىلى تالدىقورعان قالاسىندا «رۋحاني جاڭعىرۋ» ورتالىعى اشىلدى. سوڭعى 3 جىلدا وڭىردە باعدارلاما اياسىندا 15 مىڭعا جۋىق جوبا مەن ءىس-شارالار ۇيىمداستىرىلدى. ول شارالارعا 1 ميلليوننان استام ادام قاتىستى.

قازىر ەلىمىزدەگى جاعدايعا قاراماستان، جوبالىق كەڭسە ءوز جوبالارىن جۇزەگە اسىرۋدى جالعاستىرۋدا. 

«توتەنشە جاعداي كەزىندە ءبىز ونلاين كونكۋرستار وتكىزدىك، مىسالى، الەۋمەتتىك جەلىلەردە چەللەندج #مەنىڭ7اتام ىسكە قوسىلدى. Instagram جانە Facebook الەۋمەتتىك جەلىلەرىن پايدالانۋشىلار بەلسەندى قولدادى. سونداي-اق، ۇلتتىق بىرەگەيلىكتى ساقتاۋ ماقساتىندا، ءداستۇرلى تاعام دايىنداۋ ارقىلى «ۇلى دالانىڭ ەجەلگى ونەر جانە تەحنولوگيالار مۇراجايى» ارنايى جوباسى چەللەندجى ۇيىمداستىرلودى»، - دەيدى، مەكەمە باسشىسى دانا دۇيسەنوۆا.

جىل سوڭىنا دەيىن ۇلتتىق قۇندىلىقتاردى دارىپتەيتىن «تۇعىرلى تۋىم»  حالىقارالىق فورۋمى، «جەتىسۋ اربا بايگەسى – 2020» ءتۋرنيرى، «IQ دودا» ينتەللەكتۋالدىق جارىسى، «التىن ساقا» ۇلتتىق ويىنى بويىنشا وبلىستىق سپارتاكيادانى، «شوگەن» رەسپۋبليكالىق ءتۋرنيرىن، قازاقستان بالالار كينوفەستيۆالىن وتكىزۋ جوسپاردا بار. 

ايمان اسىل 

Abai.kz

0 پىكىر