Қазақстан жастарының басым көпшілігі сауда және машина жасау саласында жұмыс істейді екен. Ондағы орташа жалақы 184,9 мың теңгені құрайды. Бұл туралы LS сайты жазды. 

Статистика комитетінің мәліметінше, елімізде 15 пен 28 жас аралығындағы жұмыс істейтін 2 миллион адам бар. Бұл өткен жылмен салыстырғанда 3,2%-ға аз көрсеткіш.

Жастардың көп бөлігі сауда және машина жасау саласында жұмыс істегенді жөн көреді екен. Онда орташа жалақы 184,9 мың теңгені құрайды. Бұл бірінші тоқсандағы орташа айлықтан 7,7%-ға аз.

Содан кейін жастардың көп баратын саласы - ауыл шаруашылығы, орман және балық шаруашылығы екен. Онда қазір 241,9 мың адам жұмыс істеп жатқан көрінеді. Статистика комитетінің дерегі солай дейді. Десе де, бұл саладағы орташа жалақы - 105,1 мың теңгены құрайды. Бұл басқа салалармен салыстырғанда ең төменгі деңгей. Ал Қазақстандағы орташа айлықтан 1,9 есе аз көрсеткіш.

Жастар арасындағы ең танымал үшінші сала - білім саласы. Мұндағы  орташа жалақы 154,6 мың теңге. Бұл қазақстандағы орташа жалақыдан 22,8% -ға аз.

Айта кетерлігі, жастар баратын бұл үш сала да қазақстандағы орташа табыс деңгейінен төмен салалар.

Ал, денсаулық сақтау және әлеуметтік қызмет көрсету саласындағы жастардың саны 7,9% -ға өскен. Мұндағы жалақы 152,4 мың теңгені құрайды.

Abai.kz