Шәмші шығармашылығы – ұлттың баға жетпес байлығы. Қазақстан президенті Қасым-Жомарт Тоқаев осылай деп жазды желідегі парақшасында.

«Бүгін еліміздің Әнұраны «Менің Қазақстаным» әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы», - деп жазды Қасым-Жомарт Тоқаев Twitter-дегі парақшасында.

Айта кетейік, бүгін қазақ вальсінің королі Шәмші Қалдаяқовтың туғанына 90 жыл толды. Осыған орай, Түркістан облысының Отырар ауданында, сазгердің туған топырағында Шәмші Қалдаяқовқа музей ашылды.

Abai.kz