ءشامشى شىعارماشىلىعى – ۇلتتىڭ باعا جەتپەس بايلىعى. قازاقستان پرەزيدەنتى قاسىم-جومارت توقاەۆ وسىلاي دەپ جازدى جەلىدەگى پاراقشاسىندا.

«بۇگىن ەلىمىزدىڭ ءانۇرانى «مەنىڭ قازاقستانىم» ءانىنىڭ اۆتورى، ۇلت رۋحانياتىنا تالاي سىرلى ساز بەن اسەم اۋەن سىيلاعان كومپوزيتور ءشامشى قالداياقوۆتىڭ تۋعانىنا 90 جىل تولدى. ءشامشى شىعارماشىلىعى – ۇلتتىڭ باعا جەتپەس بايلىعى. ونىڭ تۋىندىلارىن كەڭىنەن ناسيحاتتاۋ – بۇگىنگى ۇرپاقتىڭ پارىزى»، - دەپ جازدى قاسىم-جومارت توقاەۆ Twitter-دەگى پاراقشاسىندا.

ايتا كەتەيىك، بۇگىن قازاق ءۆالسىنىڭ كورولى ءشامشى قالداياقوۆتىڭ تۋعانىنا 90 جىل تولدى. وسىعان وراي، تۇركىستان وبلىسىنىڭ وتىرار اۋدانىندا، سازگەردىڭ تۋعان توپىراعىندا ءشامشى قالداياقوۆقا مۋزەي اشىلدى.

Abai.kz